[&تــــ وتي فـــــروتـي&]

المشاركة الأصلية كتبت بواسطة مسرعه بشويش وش رايكم بجدولي .... ساعدوني بليز ... انا الحمدلله بالمستوى السادس علم النفس الجنائي ... مع أستاذه سناء سالم علم النفس الفسيولوجي ... مع إستاذه إيمان بيومي فئات خاصه ... مع أستاذه شذا خصيفان توجيه وارشاد 2 ... مع إستاذه منال كيال علم النفس الجنائي ... مع أستاذه فاطمه عبدالله وكنت محتاره من مها سرور مبادئ الإدارة العامه... لسع ماقررت ممكن رجاءالخواجي وممكن خديجة الحربي فودي اخذ علم النفس المعرفي مع إستاذه ماجدة حسين محمود حسين فما اعرف كيف شرحها انا ابغى اخذ معها عشان فرصه إستاذه ليلى غالب مي موجوده فوش تنصحوني فيه خاااااااااااصه المعرفي اخذه مع هذي الاستاذه والا لا؟؟؟ وفكرت اخذ فروق فرديه بس قلت يمكن أخذ علم نفس معرفي فيصير معرفي وفروق فرديه <<<خبطتين بالراس توجع افيدوووووووووووني

شوفي خيتو انا حكلمك عن المواد والأستاذات الي مجربتهم بحكم خبرتي هههه لأني اتخرجت هالترم الحمدلله

اولا جنائي مع دكتورة سناء مره حلو
وفسيولوجي مع دكتورة ايمان برضو حلو بس المادة تحتاج مذاكرة اول بأول
فئات مع دكتورة شذى رااائع وسهل برضو
توجيه مع دكتورة منال كان برضو حلو
مباديء حلوه برضو لاكن الاستاذتين انا معرفهم انا اخذتها مع العنود السبعان كانت قمة من شرح واخلاق وكل شي
معرفي الصراحه مادة موسهلة ولا صعبه بس دمها شوية ثقيل ومع دكتورة ماجده معرفها والله ماعندي فكرة عن شرحها او طريقتها ان شاء الله البنات يفيدوكي انا بصراحه اخذتها مع دكتورة ليلى واتفاجأت لاني شفت عكس ماالبنات كانوا يقولوا واكنت استمتع بمحاضرتها واخذت معاها من اعلى الدرجات ولله الحمد فنصيحه من اختك لاتسمعي كلام البنات وجربي انتي بنفسك
اما مادة فروق برضو مادة سهلة ان شاء الله لكن تحتاج وقت وجهد بالذات تكليفاتها وواجباتها فنصيحه لاتتهوري من جد وتاخذي الاثنين اختاري وحده منهم او ممكن اذا حبيتي تاخذيهم الاثنين لاتاخذي توجيه 2 والافضل انك ماتاخذي فروق وتاخذي معرفي مادامت ماجده اول ترم تدرسها فاتوقع انه تكون سهلة لانها توها جيه وتبي يكون لها سمعه كويسه والله اعلم والاهم من ده كله صلي الاستخارة وبالتوفيق واي استفسار انا حاضرة اختي