[عسوله موووت]

السلام عليكم ورحمه الله وبركاته

الموضوع زي ماانتم شايفين انا اختبرت النوع الاجتماعي يوم الاحد من الاسبوع الثاني
وعلى سهوله الماده ذاكرتها بتركيز واخذت مني وقت طويل للمذاكره المهم بعد الاختبار طلعت وانا بقمه وناستي وواثقه بعد الله اخذ فيها 90 واذا نقصت خذيت بالــ 80
والصدمه كانت وقت مانزلت النتائج واكتشفت اني ماخذه فيها f ماصدقت عيوني وطلعت ودخلت مره ثانيه قلت يمكن فيه خطا
المهم مارضيت وقلت لازم اراجعهم واشوف يمكن اكون ماكتبت الرقم الجامعي صح او الشعبه او الاسم المهم رحت للاستاذه حنان مبارك وطبعا وقفنا قدام باب غرفتها ساعه علشان تشرف وتجي
واخيرا شرفت وكلمتها عن الموضوع واكتشفت ان كثير نفس حكايتي اخذت مني الرقم الجامعي والشعبه والاسم ورقم الجوال وقالت تراجعيني بكره الساعه 9 عشان اجيب الاوراق وبعد كذا مااستقبل قلت ابشري بس اوصل لدرجتي
ولمن جاء اليوم الثاني كان الثلوث و9 بالضبط وانا قدام مكتبها قالت انها ماجابت الاوراق انتظري نص ساعه عبال مايجيب السواق الاوراق من البيت مرت ساعتان وانا كل ماقلت لها جاء تقول لا وبعد كل هالوقت قالت انه دوبوه يوصل البيت ومعاه المفتاح وعبال مايرجع يبغى له نفس الوقت قلت والحل طيب طلعت لي كشف الدرجات وكانت الدرجه 52 من جد كنت ببكي من القهر والمصيبه الاعظم تقول ارضي بالدرجه حقتك والا تعالي بكره قلت اوكي ارضى فيها بس رفعيني الى درجه النجاح حرام احملها مره ثانيه وجلست تتفلسف علي وتقول انا مابيدي شي وانا اصلا مرفعتك انا مدري وش دراها انها مرفعتني والاوراق مو معها طفشت وقلت نهايتها وش الحل انا مو عاجبتني الدرجه قالت روحي لرئيسه القسم وهي ترفعك قلت طيب نروح ونشوف ورحنا لها والا الاستاذه مالقيتها كلمت رئيسه قسمها وقالت لي ان د0 اقبال رئيسه القسم مابيدها ترفع ولا تسوي لك شي كل شي بيد استاذتك واذا تبغي اكتبي طلب للدكتوره قمت وكتبت لها كل الي صار وحطيتها عندهم ورجعت بيتي
ولمن جاء يوم الربوع رحت لها ومالقيتها الاستاذه حنان ولمن سالت قالو انها ماجت اليوم



بلاهي عليكم مو هذا ظلم الي سوته فيني؟؟؟؟؟



كل الي بيدي اقوله هو
حسبي الله ونعم الوكيل