[محمد الهاجري]

حياك الله يالمتسبب بس مدري يالغالي المواد هذي تنزل للمستوى الخامس او السادس علي الاقل فياليت اذا كنت واصل مستوى متقدم تحدث معلوماتك من لوحة التحكم عشان يكون التواصل افضل بيننا ان شاء الله واذا كنت لسه في الثاني حلو انك تسال من الحين غيرك تخرج وهو ماشاف خطته الدراسيه ..

بالنسبه للمواد هذي درست منها :

تنمية الموارد البشريه : ماده حلوه تتكلم عن العنصر البشري في المنظمات واهميته وطرق ادارة الموارد البشريه , مافيها شي صعب او مو مفهوم بالنسبه لطالب اداره .

السلوك التنظيمي : ايضا ماده حلوه ممتعه جدا , تتكلم عن السلوك الانساني في المنظمات وش المؤثرات الايجابيه والسلبيه عليه ومواضيع عن خلفيات تصرفات الافراد وتحليلها والاستفاده منها في التاثير الايجابي علي الموظف وهكذا .

اساليب وطرق العمل : تتكلم عن قسم الاساليب العامه ووظيفتهم في المنظمات ووظيفتهم في تطوير او انشاء هياكل المنظمات ووظيفة المستشار الاداري وطبيعتها وكيف يقدر يخدم المنظمات في تطوير هياكلها التنظيميه .

سياسه عامه وصناعة قرار : هذا علم مشتق من علم السياسه ومن علوم اجتماعيه ثانيه مثل الاداره وعلم الاجتماع والنفس , طبعا علم جديد والماده نفسها جديده ولاتدرس الا في جامعات عربيه نادره ,, طبعا ماهي صعبه لكن يبي لها تركيز وهي تتكلم عن طرق صنع السياسه العامه , اللي هي سياسة الحكومه لحل مشاكل الشعب وتلبية طموحهم والادوات اللي تساعد الحكومه علي صنع سياسات عامه جيده .

نظرية التنظيم : المنهج يتكلم عن مفهوم التنظيم اللي هو احد وظائف الاداره .. كيف نشأ فكر التنظيم في المجتمعات وكيف تطور تاريخيا الى عصرنا الحاضر يعني من مجتمع القبيله الصغيره في القرون القديمه مرورا علي الاقطاعيات والامبراطوريات كيف تشكلت تنظيميا الى عصر البيروقراطيه وصولا الى عصر النظم المفتوحه .. وكاتب المنهج استخدم المدخل التاريخي لفهم التنظيم وهذا صعوبه الماده انه مايكفي الفهم فيها لازم تحفظ لان المساله تاريخ ومسميات .

اتمنى يكون الجواب شافي ووافي واعذرنا علي القصور ... المشاركه جواب لسؤالك ولاي طالب مقبل علي ذا المواد وحاب يستفيد

تقبل تحياتي