رد: حسبنا الله ونعم الوكيل (مبادئ محاسبة 101)
اشكر كل الاخوان اللي ردو على موضوعي
واقول لهم الف الف مليون شكر والله ردودكم هذا اثلجت صدري و خففت عني الشي الكثير
ووانا اقول لبعض الاخوان اللي يطالبون اني اراجع ورقتي فيه كلفه ومشقه ومصاريف راح تترتب على هذا المراجعه اول شي لابد ان تاخذ لك اجازه من عملك على شان تسافر الى جده من الرياض
واكيد يترتب على السفر امور ماليه كثيره من حجوزات لطيران وحجوزات لسكن والف ريال للجامعة على شان افتح اوراق ومراجعتها واحنا والله ما نقدر نكبد انفسنا مصاريف اضافيه يكفي الترم اللي مضى من خسائر مدرسين و سكن وطيران غير مصاريف الاكل والشرب اثناء الاقامه
غير مصاريف الاولاد والايجار والله الكل يستنزفنا انا ما ابي الا حقي يصححون ورقتي واذا انا راسب فهذا ما جنته يدي واستاهل الرسوب بس الواحد يذاكر ويجتهد وياخذ مدرسين والله ثم والله متأكد من حلي وجالس بالشقه من يوم الخميس الى يوم الاحد ما طلعت على شان المحاسبة والله ما انام الا 7 ساعات باليوم والباقي كله مذاكره واطلع للمطعم القريب اجيب اكلي وارجع ما روح الى احد ودخلت جده 9 ايام ماطلعت من الشقه ولا رحت حتى الكرنيش والله البحر ماشفته ليتني مستمتع بوقتي مادامت المسألة مسألة تخمين بالدرجات وهظم حقوق ماقول الا الله على الظالم
|