[فرحة]

اخر نصيحة كنت ابغا افيدكم بيها يا طلاب وطالبات خطة ب
اول مادة ابدئو ادرسوها هي الانجليزي ثم الحاسب ثم الثقافه ثم العربي ثم الرياضيات
وابدئو ادرسو من بدري بدري من بداية الترم الثاني
السبب في ترتيب المواد
ان العربي والرياضيات يتنسو بسرعه لكثره القوانين في الرياضيات
ولكثره الداول الملونه في كتاب العربي التي يجب عليكم حفظها ولن تنجحو بدون التركيز على الامثلة حقت الكتاب وحفظ الجداول لا تعتمدو فقط على ملخص روز او دودي او الاخ وايت
وعشان كدا هدول المادتين هما اصعب شي وهما ايضا اكثر شي ممكن يتنسا عشان كدا خلوهم قبل الاختبارات واخر شي يتمسك
ابدوئو دراسة في الانجليزي اعتقد لو حفظتو الكلمات وراجعتوها ما بين كل فتره وفتره ما راح تنسوها لو فهمتو القاعدات
ما راح تنسوها القرمر جدا مهم عشان كدا الانجليزي اول شي امسكوه وراجعو الكلمات زي ما قلتلكم من فتره لفتره عشان ما تواجهو صعوبه في حفظها من جديد
بالنسبه للحاسب انا عندي دبوم حاسب اتهاونت فيه وما مسكتو الا يوم الاختبار فقط وهادا الشي جعلني اندم حلو اننا ننجح في الحاسب بس الاحلا اننا ننجح بعلامه حلوه عاليه ترفه من المجموع لا تتهاونو فيه ابدااااا
امسكوه بعد الانجليزي ما اعتقد الحاسب راح يتنسا لانو فهم مو حفظ ابدا
الثقافه بعد ما تحفظوها راجعوها بين فتره والتانيه عشان الحفظ الي فيها كتير انا مسكتها اول ماده وما رجعت فتحتها الا قبل الاختبارات بثلاث اسابيع طبعا ندمت لانو التعب الي تعبتو في حفظها رجعت عدتو ورجعت بدال ما اراجعها فقط رجعت احفظها من جديد خاصه اني منقطعه عن الدراسه فتره طويله فأنصحكم بعد ما تدرسوها لا تركنوها على جنب ارجعو بين كل فتره وفتره راجعوها عشان ما تتنسا اسئلتها مباشره جدا وسهله ومهي من بين السطور
ان شاء الله راح اخد فيها 92 95
لانها مره جات سهله والاشياء الي ما جاوبت عليها فاكرتها كويس كانت بسبب الوقت مو بسبب شي تاني لاني بطيئه جدا
الله يسامحهم الوقت مره ظلم الناس الي زيي الناس الي درست من كل قلبها واجتهدت وما ضيعت لحظه انظلمو بسبب الوقت
لانو العربي كان يبغالو تفكير والوقت ما اسعفني للاسف ما قدرت للان افهم وجهة نظرهم في شي سألت عنو الاستاذه قلتها ليش الوقت في كل المواد 90 دقيقه في مواد بحاجه لتفكير مثل الرياضيات والعربي
قالتلي عشان نختبر قدرات الطلاب والطالبات الي فاهم يفهمني طيب والي درس من قلبو والي اجتهد كل هادا مالو قيمه ولا اعتبار سحبت مني الورقه وانا لم اكمل اجابتي في اختبار العربي ومازلت ادعو عليها وبعد ما اخلص اقول استغفر الله حرام ادعي عليها ما يجوز
اسفه اخت فلور للاطاله لكني قلبي عليكم اتمني ان تفيدينا انت ايضا بنصائحك