ادارة المنتدى والقائمين عليه , السلام عليكم
مومعقوله ابدا الي يصير في منتدى علم النفس النفس , القسم صار شبه نسائي وفائدته مقتصره بس ع الطالبات , وهذا شي طبيعي اذا لاحظنا انه كل اربع خمس دقايق نازل موضوع على ضوء موضوع
آخر قبله نزل بدقايق , صارت التعليقات للشكر فقط , اما الاستفسار فموضوع ثاني حتى وإن كان
يخص موضوع قائم بالصفحة , شي مو معقول وسط زحام المواضيع المتشابهه يضيع موضوع موضوعين خاص بإستفسارات الشباب والاشياء المهمه والمفيده
المنتدى -علم النفس- لو راجعنا صفحاته ثلاث ارباع المواضيع ايل فيه نقدر نضمها لموضوع ثاني
صار لزاما ع الواحد رغما عنه يفتح موضوع على ادنى استفسار طالما ان المواضيع الخاصة بالاستفسارات مهمشه او بالاصح ماهو مفعل دورها .
الاشكاليه انه الواحد اذا حب يرفع موضوعه يجي المشرف ويتفلسف بكل برود يقولك ممنوع ترفع الموضوع في اقل من ربع ساعه ؟ , طيب انا ما اعرف الناس الي بتتكلم بهالشكل عندها ضعف نظر
او قصور بالاستيعاب او ايش بالضبط ؟
لما يكون فيه موضوع خاص بالاستفسارات وماحد يشارك فيه , وبدل مايكون متجدد يكون شكر متجدد
ولما يكون كل بنت عندها استفسار تجي وبكل برود ومع انه فيه نفس الموضوع الي يفيدها ظاهر
بالصفحة الاولى وتفتح موضوع بس عشان تعليق واحد يفيدها وينتهي الموضوع على كذا
وتضيع الموضوع او الموضوعين الخاصة بمقررات الشباب في زحمه المواضيع هاذي
وصار لزاما عليك تفتح موضوع واذا فتحت موضوع لازم تاخذ في اعتبارك انه في اقل من خمسه دقاايق راح يهبط موضوعك ويتراجع للصفحه الثانيه بما انه في كل خمسه دقايق يعني فيه خمسه
متصفحات خاصه بالبنات والمصيبه ان كلها تخدم فكره وحده وكلها لسؤال واحد!
أسألكم بالله خذوا نظره سريعه على منتدى علم النفس وفندوا المواضيع في الصفحات الثلاثه الاولى
اكثرها مواضيع تخص مقررات البنات وكلها بدون مبالغه تخدم فكره فكرتين بالكثير
اكثر من عشرين ثلاثين موضوع في غضون ايام كلها تدور حول حاجتين او ثلاث
- مادة مدخل علم النفس
- الاحصاء النفسي
- علم نفس النمو
- ماني عارفه جدولي
طيب فيه 60 موضوع يتكلم عن مدخل علم النفس / 60 موضوع عن الاحصاء النفسي
60 موضوع عن علم نفس النمو / 60 موضوع عن جدول الطالبات
والمشكله ال240 موضوع هاذي لو ضميناها كلا وفكرته راح نخرج بـ 4 مواضيع فقط لاغير
طيب وحده قبلك فتحت موضوع , ترجعي تفتحي انتي نفس الموضوع بعدها بدقيقه ؟
ياجماعه اقسم بالله انا صرت حافظ اسماء دكاترة علم النفس/البنات اكثر من اسماء الدكاتره/الشباب
الي المفترض اكون عارفهم ؟!
ارجوكم لازم يشتغل الاشراف على وضع حد عشان نقدر نستفيد ونفيد بالوقت نفسه
ارجوكم ياجماعه ارجوكم تتعاملوا مع القسم بأحد حلين مالهم ثالث
اما انه يكون فيه قسم ثانوي خاص بالشباب عشان ماتضيع جهودنا بالزحمه ونقدر نستفيد ونفيد بأكبر قدر ممكن .
او انه الاشراف يشوف شغله ويفند المواضيع الي تتكلم عن فكره وحده ويضمها لبعضها
ويصير فيه نظام حقيقي , اما ستميه موضوع كلها خاصه بالبنات وكلها استفسارات تدور حول نقطه واحده , فهذا شي يضر بمصلحه المنتدى قبل مايضر بمصالحنا احنا .