رد: نبض بحـــوركـمـ
كنا فى أواخر الشتا قبل اللى فات
زى اليومين دول عشنا مع بعض حكايات
أنا كنت لما أحب أتونس معاه
أنا كنت باخد بعضى واروح له من سكات
والناس فى عز البرد يجرو ويستخبو
وأنا كنت باجرى وأخبى نفسى قوام فى قلبه
ولحد لما الليل يليل بابقى جنبه
وأفضل فى عز البرد وياه بالساعات
على سهوة ليه الدنيا بعد ماعشمتنا
وعيشتنا شوية رجعت موتتنا
والدنيا من يوميها ياقلبى عودتنا
لما بتدى حاجات قوام تاخد حاجات
وسط الشوارع ناس كتيرة مروحين
والناس ياقلبى هما هما وهو فين
وأنا ماشية باتلفت وباسأل كل يوم
بيعمل إيه دلوقتى وبيحلم بمين
|