[نبـْض أخيـرْ]

السلام عليكم ..
ابفهم الحين مادة القياس وشفيها كذا ثقيلة دم ؟
وربي للحين ماعرفت انا وش راح استفيد من هالماده ووش المطلوب مني..
اختبارنا القياس يوم الثلاثاء.. اختبار موحد لكل الشعب..
بس من جد المادة مدري كيف تتذاكر هذا غير انه ضايعين مع ملازم الفصول.. وكتاب جديد وحوسة..

الحين استاذه زيزي..
قالت الفصل الاول نذاكره من عرض البوربينت الي كانت حاطته ( وذا شيء حلو والكلام ينفهم )
لكن الفصل الثاني الي بالملزمة المصورة.. صراحه مدري وش السالفه..حاولت اقلب الملزمة يمين شمال.. لكن ماش مافهمت شيء <- هذا وهي محدده لنا كم صفحة بس
والصطلحات قالت احتمال اجيبها لكم ضعي المصطلح .. ( طيب وين التعاريف مافي شيء بالكتاب وكل الكلام سايح على بعض وامثلة غبيه وارقام مدري وش قصته ا )
.
احسن شيء بالمادة المعمل وبس <- يجنن وممتع جدا
.
بنات الي منزلين المادة..
الحين بسالكم..كيف راح نذاكر هالعلة ؟
نفهمها ولا نحفظها ولا كيف..<- حاولت افهمه ماقدرت..حاولت احفظه بدون فهم برضو ماقدرت
والي اخذو الماده يعطونا تجاربهم ..كيف يتذاكر هالكلام الدش..
.
وبس ان شالله نعدي الاختبار الاول ع خير...
.وبالنسبة للانتساب لاتخافون من المادة بناء على كلامي <- بس لاننا متعودين على تاشير وحركات ودلع ..
وهالماده احس مافيها هالاشياء.. عشان كذا مو عارفين ارضنا من سمانا..
ولا انتو متعودين ماشالله تذاكرون مادة صفحاتها بيضاء ( كناية عن انها مو ماشرة ولافيها اي سؤال )
.
وبس فالي الفل مآرك ان شالله وكل من دخل الموضوع