رد: اقتصادي باقي له سنه وتوهق
السلام عليكم ورحمه الله وبركاته ...
بعد التحية عزيزي اقتصادي غلبان شلونك يالغالي انا بصراحة شفت استفسارك وحاب اعطيك اللي عندي لاني قبل اسبوعين كنت حايس مثلك وكتبت موضوع عاجل بخصوص مادة إدارة العلاقات العامة على اساس اني ابيها مادة حرة وبعد عدة محاولات وردود على نفسي ردوا علي اختين الله يجزاهم الف خير ووضحوا لي الاشكال ووجهوني يا اني اكتب معاملة الكترونية او اني اروح لهم وانا سويت الطريقتين كتبت معاملة الكترونية ووضحت لهم اني ابي اضيف مادة pad461 العلاقات العامة لكن كان ردهم مخيب للآمال وقالو ان المادة هذي تتعارض مع جدول اختباراتك عموما قلت مالي غير ان اروح لهم واشوف ايش الحكاية روحت لشؤون الانتساب وقالوا لي روح لكلية الاقتصاد والادارة وفعلا روحت وتفاجأت بان كان ردهم ان المادة الترم هذا ماهي نازلة في مواد الحذف والاضافة وراح تكون موجودة في الترم الثاني وانا مستغرب وقالي احد الاخوان في نفس الكلية دايما مادة العلاقات العامة في الترم الاول لطلاب ادارة الاعمال ما تكون موجودة اذا تبغى تنزلها انتظر للترم الثاني راح تكون دايركت نازلة في مواد الحذف والاضافة هذا بالنسبة لمادة العلاقات العامة.
وبالنسبة pad341 الادارة المحلية اذا كان عندك استعداد للحفظ فا المادة راح تكون جدا سهلة مع اني انا ما نزلتها لانها بصراحة عن قناعة في نفسي لما قريت الكتاب حقها >>>طبعه مصرية متعقد من مادة السلوك الانساني في المنظمات ما عجبتني بصراحة لانها تعتمد على حفظ المادة رقم كذا تقول كذا وكانك قاعد تدرس قانون , بالعكس تمام راح نظري اكثر اني انزل مادة مبادئ القانون bl101 كمادة اختيارية بصراحة مادة حلوة وما هي ملخبطة واذا تبي تنزل مادة اختيارية ثانية انصحك بمادة pad101 مادة حلوة تتكلم عن الادارة العامة ولعلمك الاثنين لها ملخص لهاني عرب والمفردات المقررة عليك تماما متطابقة .
اما بالنسبة للمواد الحرة فانا عن نفسي اخذت معايا الان مادة في الترم هذا اسمها com204 الرأي العام وطرق قياسه كتاب للدكتور /عاطف عدلي العبد طبعه مصرية صح لكن فيه ترتيب احسن من غيره 2010م تحصله في مكتبة خوارزم العلمية انا اخذته يوم الاربعاء اللي راح جديد بقراطيسه وابشرك بعد الكتاب اغلبه نماذج استقصاء للرأي العام والمادة من خلال قراءتي لها السريعة سهلة زي العلاقات العامة ولعلمك طابقت المفردات المقررة بمذكرة لاحد الاخوان اسمه ابو جاسم موجودة في موقعنا الغالي منتديات طلاب وطالبات جامعة الملك عبدالعزيز وحصلتها مطابقة تماما لها وان شاء الله انها تغني عن الكتاب لو ما عجبك والمذكرة مكونة من 46 صفحة وان شاء الله اكون افدتك عزيزي واي سؤال احنا حاضرين وسلام يالغالي.
|