>>>>> السلام عليكم ورحمة الله وبركاته<<<<<
لاحظت في موضوع عن الدكتورة زينب العايش في هالقسم ولاحظت الهجوم اللي شفتو عليها الله يوفقها يارب
وعندي سؤال نفسي أسألو كل وحده هاجمت الدكتورة بالكلام
واقولها ايش السبب
بس لانوا سألتها مقاليه ؟
ولا لانها تبغاكي تطلعي مخزون المعلومات اللي عندك
ولانها حابه انك تتعلمي وتستفيدي بدل الطريقه المختله اللي طول عمرنا متعودين عليها
الله يسعدها دكتورة زينب ويوفقها فحياتها يارب انا معاها توجيه وارشاد وبصراحه وربي اموت فيها اسلوبها عطائها اللامحدود الله يعطيها يارب من واسع فضلو بصراحه دكتورة قمه في الامانه والاخلاق
انتو تبغو عرض بوربوينت وحذف وانتهينا لازم تفهمو انكم قسم علم نفس وفي القريب بإذن الله اخصائيات نفسيات يارب
ولا انتو داخلين القسم بس كدا بدون هدف
الاخصائي النفسي لازم يكون عندو مجال يتكلم ويعبر
الى متى تبغو تمشو ع طريقه الاسئله الغبيه اللي بناخدها تظليل واختاري
وربي اتحدا وحده فيكم اسألها ايش اخدت السمستر اللي راح وهيا تفتكر وانا معاكم مستحيل افتكر
لاننا درسنا حفظ ووقتها خلاص لازم ننسا اللي اخدناه
اتعلمت منها طريقه حلوة ويارب الكل يستفيد
حبو الماده أقرؤها على إنها كتاب انتى اخترتيه وحبي الكلام الموجود فيه
اتخيلي الشخص اللي عندوا لمشكله قدامك وانتى بتستعملي معاه طريقه حل المشكله
وربي بعد كدا كلكم رح تحبو التخصص بإمانه
اللي حابهالتخصص وحابه تكون أخصائيه نفسيه مالها الا الدكتورة زينب العايش
افضل دكتوره على مستوي جامعه الملك عبدالعزيز كلها
لانها بتعطي الماده بحب و أمانه
مو تعرض بوربوينت وتقرأ منو
يعني ماتقدور تفتحو كتابكم وتلخصو المهم الا طبعا كلنا نقدر بما إننا وصلنا للمرحله الجامعية
اتمني تكون وجهه نظرى وصلت لانى شفت في الموضوع ظلم كبير للانسانه العظيمه والأم المثاليه يشرفني تكون ماما لانها فعلا نموذج رائع للأم الحنون حتى خارج اطار عملها مستعده تساعد وتحل المشكلات وتضغط نفسها الله يوفقها ويطول فعمرها يااااااارب ويكفي إننا ناخد منها خبرة واللياخدت معاها <<f>> في مادة دا مو ذنب الدكتورة عموماً الله يسعدها وربي كل يوم ادعيلها على الفوائد اللي أستفدتها منها
أختكم : فنوسة