رد: استفسار.. رجاء افيدونا السنوات السابقة ..؟؟
ياعزيزتي انا بحاول اشرح لك .....
مثلا فيه ماده معينه...الماده يدرسها اثنين...واحد اسمه محمد ويدرسها الفصل الاول...والثاني اسمه عبدالله ويدرسها الفصل الثاني
حلو... الفصل الاول دكتورها محمد اسئلته معقده ومن بين السطور وكمان مقسم الدرجات بشكل صعب وحاط اسئله مقاليه وصح وغلط بس...فاغلب اللي يدرسون معاه راح يرسبون لان نظامه معقد...
الفصل الثاني دكتورها عبدالله..والدكتور الله يجزاه خير اسئلته واضحه وهادفه..ومن العناوين..ومعطي تقسيم الدرجات حقها واكثر..وفوق كذا اسئلته صح وغلط واختر ومقالي بسيييط عليه 20 درجه يقول لك اكتب اي شي بس اهم شي اكتب.. فاكيد اغلب اللي عنده ينجحون...
حلو..الحين انتي فهمتي وعرفتي ميزة الفرق بين الدكاتره لان الدكاتره نفسيات ويختلفون بالاطباع عن بعضهم..
لكن بتسألين وتقولين كيف اعرف دكتور مادتي..؟؟
فجوابها عن طريق ال odus عن طريق رقم الشعبه وراح تشوفين اسم الدكتور..فاغلب الاحيان دكتور الماده يكون واحد..لكن يختلف من سمستر الى سمستر...وبعض الاحيان تلقين اكثر من دكتور كما هو الحال في المحاسبه وغيرها..فهنا انت كأنتساب ماتفرق معك الا اللي بيحط الاسئله لك..من هو؟؟؟ وكيف طريقة اسئلته!!!
طيب تجين تسألين وتقولين كيف اعرف الدكتور عن طريق منتديات الجامعه في البحث تحطين اسم الدكتور والجماعه مايقصرون...
شغله اخيره...ومهمه جدا...مثلا اختبرتي ماده عند دكتور..ولاسمح الله رسبتي..وانتي متأكده من حلك...؟؟؟ تراجعين مين؟؟؟؟
اكيد تراجعين دكتورك...
فهمتي علي... اتمنى اني وفقت في الشرح
دمتي بود
|