ياريت بس يحدّوا من حالات الطلاق
يفكرو في أسباب الطلاق دي .....مثلا .. بإنهم يغيّروا عاداتهم في الزواج .. العادات اللي ماأنزل الله بها من سلطان ..ويفهموا الناس ايش يعني زواج
مو بس مظاهر وشكليات ومجرد راجل وحرمة ,,,
يعني لو انتهت العادات السيئة وزواج الصوالين دا اللي الراجل يجي يشوف البنت او (يلمحها) ويقول "قبلت زواجها"
وبعدين بعد الزواج يكتشف او تكتشف انو واللهي ماهم متفقين زي مابيحصل في اغلب الحالات !!
المفروض يكون لاااازم قبل الزواج فترة الخطوبة او الملكة "للمتزمتين" عالاقل انهم يتعرفو على بعض ... مع انه افضل يكون وقت الخطوبة عشان يعرفو بعض مزبوط وهما لسه عالبر ... غير لما يمثّلوا دور انهم عريس وعروسه !!
يعني بصراحة برأيي انه دا الشي من أكبر أساب الطلاق انو الواحد او الوحده ماتعرف الراجل الا بعد ماتتجوزه !!
وبعدين ماتتوافق معاه وتطلب الطلاق .....
وقبل كم يوم خشيت منتدى لقيت واحد كاتب موضوع بيستشير الاعضاء بيقولهم اش أسوي أفيدوني وحكايتو إن بعد 3 شهورحيتجوز وملّك عالبنت ... ويقول طلبت آخد جوالها أبى أكلمها ... وقلك ايه (البنت مستحيه)وتقول ماابغى استحي اتكلم معاه !! ياااالهوي ...لا والافظع من كده الأعضاء اللي داخلين يردوا عليه من جد ماصدقتهم ماني متخيله انو في ناس بالعقليه دي....يقولوله ياخي اشفيك مرة حتموت كلها 3 شهور وتكلمها براحتك !!!!!!!!
يا اللللللللهي ياللهول ... كل علامات التعجب من جد
يعني باللهي دي مرتو خلاص سارت .... وكمان حرام ممنوعة تتكلم معاه !!!!!
لازم يستنى الين يقع الفاس في الراس وبعدين يقول ياليت اللي جرى ماكان ...
وياليتني عرفتها قبل الزواج ... ولا البنت تقول ليتني عرفتو قبل ...
وبعدين نجي نشتكي من نسب الطلاق !!!!!!
دايما احنا نتعلم .... نعالج الأصل اولا حتى يتعالج الفرع ...
وأنا بوجهة نظري دي من أهم الأسباب الرئيسية في الطلاق !!
وشكرا لك عالموضوع اخويا قيصر الأحزان ...وسوري عالاطاله ...
|