[خريجة علم نفس]

شوفي غلاي مافي شي اسمه سهل صعب تنجح وترسب لاااا هو على حسب الراحه النفسيه مع هالدكتوره يعني انا صح نجحت معاها بامتياز بس بصراحه كنت خايفه طول الترم رغم انه الدكتوره اخلااااق بس من كثر ما سمعت انزرع الخوف بداخلي
راح اتكلم عن اسلوبها بغض النظر عن الماده لاني اخذت معاها ارشاد مو عيادي

اولا مادة عيادي سهلللله وجدا ممتعه انا اخذتها مع دكتوره ايمان

ثانيا اذا ع الدكتوره زينب اخلاقها عسل بس انتي لا تاخذي السالفه حفظ ولطع عالورقه افهمي الفكره وحطيها زي ما انتي تحبي وحطي الاشياء الي لها علاقه بيها دكتوره زينب تحب الورق مليااان بشرط ما تحطي زيد على عبيد يعني اذا انتي عارفه الجواب وكتبتيه والمكان لسه فاضي اكتبي نفس الفكره باسلوب تاني شوي مختلف كنوع من الشرح للفكره نفسها المهم تعبي المكان مو شخبطه

ولا يخوفك كثرة اسئلتها لانها ممكن تعطيك عشرين عللي تقولك اختاري منها سبعه واكتبي الرقم وجاوبي يعني عن نفسي انصدمت لمن مسكت الورقه تبع الاختبار حسيت ملزمه مو كم ورقه غير اني شفت انها مليانه اسئله بس ارتحت لمن لقيت اني اختار بكيفي بس طبعا في اسئله اجباري تجاوبي عليها وهي تكتب ع الاجباري بين قوسين

وفي شي تاني لاحظته في اسئلتها يعني لا تتربكي اذا لقيتي سؤالين ثلاثه لهم نفس الجواب عااادي انا لقيت 3 اسئله لها نفس الجواب بس كتبت كل واحد باسلوب مختلف شوي يوافق السؤال والي مطمني وانا اقولك كده اني اخذت الدرجه الكامله رغم اني خرجت من الاختبار الاول وانا قلت حامله الماده لا محاله وبالاخير اخذت a+ الحمدلله

الله يوفقكم ويسهلكم امركم يارب