السلام عليكم ...
أخوي كفو وجاد موضوعك أكتر من رائع
بس عندي عليه كلام كتير ...
أتمنى انك تتقبل رأي بصدر رحب ..
الاراء للجميع ليس لي فحسب مع احترامي لوجهة نظرك...
شكرا لك
أولا من مبدأ عندي انه عمره الشغل ماكان عيب ..
صح هذه انا معك
هل عيب انه شاب سعودي يشتغل في محل ميكانيكا ؟؟
لا وربي مو عيب
مافيها شي انه شخص يشتغل في ورشة سواء ميكانيكي
او بنشري ..
كثير موظفين فيها واعرف ناس كثيرررررررررررر
بس السؤال الأهم هل راتبه حيكون يكفيه يفتح بيت ؟ ويأمن مستقبل ابناءه؟
يكفيه واحد في الشمال كان عسكري وفصل والحين بنشري
ويدر عليه دخلا اكثر من الوظيفة
ولد عمي اولا كان راتبه 2700
وتزوج وفتح بيت من 2700
وصبر 7 سنوات كافح والحين مساعد مدير المشتريات بهيئة المال السعودي
لازم الواحد يصبر اول يتعب صحيح انه المستقبل بيد الله بس الراتب اللي راح ياخدوا على قولتهم يعيشوا يومه بس
من قال ريال + ريال = 2 صح
وعلى كدا راح يكون مكانك سر..
طيب أهدافه طموحاته كل سنوات الدراسه اللي درسها ..
كل انسان وطموحاتع العلمية
طبعا حتروح على الفاضي لو كان بهذه الطريقه
المسؤوليه قلت لدى البعض
بالذات مع ارتفاع المعيشه ..
تعالوا نحسبها سوى...
شاب راتبه 1700 ريال ...
يدوام دوام جزئي
_ متزوج _ عنده طفل _ مستأجر بيت _ مقسط سياره
اولا (الزواج) تلاقيه ماخلا احد الا واتسلف منه >>> أصلا
اذا فكر بالزواج بدا الراتب
يعني بعد الزواج راح يكون عليه ديون
مستلزمات الطفل لو راح اخد ملابس من ارخص الملابس
راح تكلفه 500 ريال غير مايحتاجه الطفل عاده من
بامبرز خلينا نقول من أسوء شي ...
حليب .. مراجعات مستشفى للطفل ووالدتها
وكل مشوار اكيد راح يعبي بنزين يعني صرفيه فوق الصرفيه
ادويه سواء للأم او الطفل قول بكدا راح من راتب الاب 1000 ريال
لاننسى ايجار البيت اللي هوا طبعا غرفتين بالميت وشبه مطبخ
ايجاره السنوي بالميت برضوا 12 الف >>> هنا خلص الراتب ...
طيب نجي للأكل ومقاضي البيت كيس الرز لوحده بمبلغ وقدره
يعني الجماعه حيموتوا جوع طول يومهم راح ياكلوا جبنه وحلاوه وزيتون
طيب ماقلنا شي يشتغل دي الشغلانات بس المفروض انه مرتبها
يكون مرتفع شويه .. او تترك للعماله الاجنبيه في رأي
يعني هل يعقل كمان دوله عندها اكبر مخزون نفطي في العالم
وكل سنه في فائض في الميزانيه ..
وشبابها مرتباتهم ضعيفه ... طيب ليـــــــش كدا
دي المهن مانفروا منها الشباب وماصغرت في عيونهم
الا لان مرتباتها ضعيفه...
والله فيه محلات رواتبه كويسة قبل يومين جاءني موظف في شركة الشرق وصلح النت وسالته كم راتبك قال 4500 ريال يعني اهم شي موجود بديل
لو ارتفع المرتب فيها راح يكون عليها اقبال مو طبيعي من الشباب
وغير كدا ماينفع نقارن نفسنا بالدول الاجنبيه وانه شبابها يشتغلوا
شغلانات شبابنا عازف عنها لسبب بسيط دولتنا ربنا انعم عليها بشي مافي دوله اجنبيه تملكه
اللي هوا البترول..
ارجع اقول انا مع انه الشاب يشتغل ابسط الشغلانات بس ضد المرتب المنخفض
لو الوضع حيكون كدا على طول تفضل للعماله أفضل ..
آسفه أطلت في الموضوع
ولكن هذا غيض من فيض ..
تقبل مروري .