[أسير]

اسمح لي أخي نضال ، بس راح آخذ من ك دفة الحوار شوية ..

أختي نيمو .. خليني أنا أوضح لك كيف تعرفي إنك حقيقة تحبي أحد :

أول شي الأخ M!NOO كتب موضوع طويييييييل و جميل جداً عن هذا الإحساس في المنتدى المفتوح بعنوان ( عندما نحب ) .. راجعيه .

ثاني شي .. إذا حبيتي واحد من أعمق أعماق قلبك و حسيتي بصدق حبه راح تحسي التالي :

1 - طول يومك وإنت تفكري فيه . ( لدرجة حتى أول ما تفتحي عينك من النوم يكون أول اسم يخطر ببالك )
2 - طول يومك وإنتِ تفكري كيف تسعديه ، ترسمي البسمة على وجهه .
3 - لما تكونوا مع بعض تحسبي ألف حساب لأي كلمة أو حركة أو حتى نظرة ممكن تصدر منك و تؤذي شعوره .
4 - من قبل لقائك به وإنت تفكري إيش راح تقولي له ، طيب لو قال لك شي كيف تردي عليه .. إلخ . يعني تتخيلي الموقف قبل ما يحصل عشان ترتبي أفكارك و تصرفاتك و تستغلي كل دقيقة معاه عشان تقرب بينك وبينه أكثر .
5 - أول ما يحصل لك أي موقف سعيد أو حتى حزين يكون أول شخص يخطر بباله اسمك ، تروحي تفضفضي له كل شي ، و تاخذي رأيه في كل شي ، مهما كان كبير أو صغير ، حتى لو كان شي أعلى درجات الأمور الشخصية .
6 - كل ما ينتهي لقائك به تتمني إنه ما تمر دقايق إلا و تلتقي به مرة ثانية ( يعني ما تحبي أبداً تفارقيه و لا يغيب عنك صوته )
7 - تحسي بكآبة رهيبة و انقباض لو غاب عنك مجرد يوم واحد .

هذي بعض التأثيرات على شخصيتك إنتِ كفرد عاشق ، أما التأثيرات العامة على من حولك فراح تلاقيها بالتفصيل في موضوع الأخ أيمن اللي قلت لك عليه .

أتمنى أكون جاوبت عن سؤالك .

تحياتي..