في نظري أهم شي لازم تتعدل النظرة إلى العاملين في جميع المجالات من الملك إلى عامل النظافة
وان الشباب يفهموا مو شرط اول ما تتخرج تشتغل مدير بـ 20 الف
ابدأ بـ1000 -1500 واطلع حبة حبة
شبابنا مدلع ماعنده صبر وتحمل وقدرة انتاجية عشان كدا الشركات تفضل الاجانب
انو والله السعودي يبغى يتشرط كدا وكدا وكدا والاجنبي اتصل فيه الساعه 3 الليل قوله ترى الساعه 8 عندك سفر
ارميه فأي مكان يشتغل وهو ساكت
يعني حركات الكبرياء اللي عند السعوديين وانو انا سعودي دي لازم تنمحي
مجرد جزء من مشكلة كبيرة
|
يا أخت سوما ... اللي تتكلمي عنه مثال ونقطة أكل عليها الزمن وشرب ...
اﻵن الشاب السعودي يشتغل ليل نهار ويكرف وأطلق مية مرة من اﻷجنبي وما عندو مشكلة يشتغل في البر ولا البحر في الحر ولا تحت الشمس لكن أعطيه راتب يعيشه زي البني آدميين ... احنا عايشين في وقت غلا فاااااحش
لما تقوليلي الفلبيني ولا البنقالي ولا الهندي يشتغل بألف وألفين .. شوفي كيف هوا كان عايش وفين اتربى وكيف بيصرف على نفسه .. احنا ماعشنا عيشتهم عشان ناخدهم مثال نقتدي بيه ...وأتوظف لألف ولا ألفين وأنا خريج جامعي ...
طيب خدي عندك ... محسوبك .. مهندس كمبيوتر أشتغلت بألف وخمسمية في جرير ... ولما لقيت شركة برمجة تركت جرير ورحت وبـ3 آلاف ريال ...
بالله تخيلي وضعي كيف ... دمااااااااار مهندس 5 سنوات كرف وفي النهاية 3 آلاف ريال ؟؟؟؟؟؟؟؟؟؟؟
الحمدلله ع النعمة ... ولازلت أكافح ... ولا تحسبي ما لقيت فرص لقيت فرص برا جدة وبعضها برا المملكة لكن مين كاسر رقبتي غير أهلي اللي كلهم بنات وأنا اللي شايف مصالحهم ...
فما أعتقد الشباب السعودي الجامعي الواعي اللي يبغى عمل حيرفض عشان الدلع ... لا والله ... لو يعطو الشباب السعودي 5000 ريال على وظيفة عامل نظافة كان نتسابق عليها وتشوفي بلدنا كيف تصير نظيفة ... بلا يابان بلا أوروبا
