[soma al7elwa]

اول شي تستخير لأنو محد يعرف فين الخير

لو أنها منها البعثة بالتأكيد

دحين البكالريوس ما تسوي شي

واعرف بنات سافروا برا يدرسوا واتزوجوا يامن مسلم من هناك أو زميل سعودي لها زي ما قال المستشار او إنو لما نزلوا على هنا اجازات اتخطبوا وبعد ما كملوا دراستهم اتزوجوا

وأعرف كمان بنات متزوجات وعندهم أولاد ومع كدا مسافرة برا تدرس وهوا هنا مع الأولاد

سو دا يعتمد عالبيئة اللي فيها البنت

وزي ما قالت فتفوتتنا السكرة الزواج رزق

لو مكتوب لها تتزوج حتتزوج لو كانت في أخر دولة في العالم

و26 لسه صغيرة

في بنات بيتزوجوا بالتلاتين والـ35 والـ40 كمان

وقت ما يجي نصيبي راح أتزوج

فلو أنا منها راح احتار الدراسة والبعثة

الله يوفقها فين ما تروح وايش ما اختارت