[لموووسة]

ياحيااااتي الله يسعدك يارب ويحققلك كل اللي تتمنيه يارب بحق الشهر الفضيل دا...جزاك الله كل خير طمنتيني الله يطمن قلبك وبالك يارب

امين يارب الله يسمع منك ياقلبي .. ويجزاك خير وياي يالغلا

بس ايش حكاية خضرا دي يعني ماتخلينا نخرج؟؟وقت البريكات الطويله ولا ايش؟؟

تخليكِ تخرجي بس تدقق على اللي يخرجو دايما تفتش على البطايق ومعاها مساعدات بكل بوابة طبعا ..وهي المسؤوله تمسك الجوالات بكاميرا والام بي ثري والممنوعات بصفه عامه مثل الاكل كمان مايصير تدخلي الا اذا في طبق خيري ..

وكمان وقت البريكات الطويلة ايش تعملو فين تروحو فين تقعدو وممكن اخرج البيت وارجع تاني ولا لا

أنا عن نفسي مع صديقاتي استمتع بالبريكات الطويله وترى يكون يوم واحد فيه كدا بريك طويل مو دايما
اجلس مع صديقاتي بالاقسام التانيه نجتمع نلف بالكليه ونمشي ومره ما احس بالوقت بالعكس يكون يوم مميز وحلو
وعلى تخرجي للبيت اكيد تقدري بس بالمره صعبه اذا تروحي بباص وبيتك بعيد اخر الدنيا تضطري تجلسي

اممممم وايش كمان في اشياء حلوة في الكلية

بصراحه الكليه عالم تاني غير عن المدرسه تشوفي كل شي فيها وراح تستمتعي اول كم يوم اذا تحبي تستكشفي واكيد تضيعي كمان بس الاجواء من جد حلوة
عموما البنات اول اسبوع مايداومو بتلاقي ثالث اسبوع الكليه بدت تمتلي بنات ويكثروا
وفي مباني جديده مخلصه من سنتين تقريبا بس باقي مافتحوها يقولو هالسنه ان شاءالله

انا الحمدلله البنات البطالين مره ابعد عنهم وعندي كم صحبه معايا وان شاء الله اللقي كمان عسولين زيك وزي ناعمه كمان...ويشرفني كمان اتعرف عليكي اكتر واكتر

تسلمي ياقلبي الشرف لي انا .. وان شاء الله اقدر اساعدك اذا محتاجه كتب وملازم ترى عندي كثير
وكل ابو شي مأشر .. والله يوفقك وياي يالغلا

الله يحفظك ادري طفشتك بالاسئله بس معليش استحمليني اختك رورا

لا شالدعوة طفشتيني اذا انا ما ساعدتك ووقفت معاك مين يساعدك من بعد الله
لاتقولي هالكلام واي خدمه انا حاضره