[المهاجرة]

المشاركة الأصلية كتبت بواسطة الكريم ابن الكرام أولاً أشكر صاحبة الموضوع الرائع على هذا الكلام الإعلام له دور كبير في التشجيع لكن المشكلة الحين إن الاعلام ما شاء الله ما يحتاج ما تشوف إلا فلاشات وتصوير على اللاعبين والمغنيين وهم والله ما قدموا لبلدهم ولا شيء وما لهم أي قيمة لو فيه تغطية إعلامية للمبدعين صدقوني راح يتشجع البقية ويكون فيه جوائز وتحفيز وزي كذا ما أقول ما فيه دعم لكن الأغلبية منحطين مثل ما ذكرت اللاعب الفلاني والراقصة العلانية أغلب المواضيع تافهة زي كذا والله البلد فيه كنوز ومواهب لكن باقي من يكشف عنها الستار السؤال كان المشكلة فين وأنا قلت رأيي ودي واحترامي

شكرا أخي على هذا التعليق الأكثر من رائع ..

تطرقت فيه لموضوع مهم جدا .. وأنا أؤيدك في وجهة نظرك ..

الإعـــــــــــلام .. << الجروح بدأت تتفتح ..

يا أخي صحيح الإعلام لد دور كبيــــــــر ..

لكن أنا في هالموضوع حسيت إن الأغلبية بيرموا المشكلة على غيرهم ..

طيب ليه ما تكون المشكلة منك إنت ..!!
نعيب زماننا والعيب فينا وما لزماننا عيب سوانا

وأعتقد أنك ذكرت هالنقطة بردك ..

وأكبر دليل إنهم جالسين على هالقنوات اللي بتتكلم عليها ..

وينهم عن الإخبارية مثلا ..!!

مو هم بيدورا على وظايف ..!!

مو هم بيدوروا على ناس تدعم ..!!

شوفوا هذي الناس اللي بتدعم ..

وهذا تقرير مفصل لأحد البرامج على قناة الإخبارية أتمنى من الجميع بحق الإستماع لكلام الصحفي حتى النهاية ..

<< لاحظو بس لو تدخلو على الموقع شوفو عدد المشاهدات وقارنوها بغيرها ..!!

المشكلة مش في الناس اللي بتدعم المشكلة فينـــا ..!!

يعني بالله عليكم أحد سمع عن منتدى الغد "نحن والشباب شراكة "

طيب اللي سمع عنه .. سمع عن مبادراته ..!!

واللي سمع عن مبادراته ليه ما استغلها ..!!

لا تقولوا هالمبادرات كلام ..!!

ولا أنتي بس سمعتي عنها صدقتيهم ..!!

اللي عطاني أصداء المؤتمر هي من أفضل وأعز أخواتي .. إنسانة متميزة وطموحة رشحت لحضور المؤتمر ..

وكانت تحكي لي عن كل المبادرات اللي طرحت للشباب ..

تقول كان المؤتمر عبارة عن عدة جلسات منها جلسة عبارة عن حوار بين الأمير المسؤول والشباب ..

كان ييجي الأمير ويقول أنا الأمير فلان بن فلان أحد عنده استفسار أحد عنده مشكلة ..

ويبدأوا الشباب يتكلموا وجها لوجه .. هذا الحدث الي وصفه أحد الصحفييين بأنه الحدث الأول في المملكة وهو أن يتكلم الطالب أو الشاب أمام المسؤوول دون أي حواجز ..

سألت صديقتي قلت لها المبادرات المطروحة خاصة باللي حضروا المؤتمر قالت لااااااا .. بل لكل الشباب في المملكة بلا استثناء .. إذا حابة تستفيدي ..

طبعا صديقتي خرجت من المؤتمر بترشيحها رئيسة مجلس الشورى للشباب في المنطقة الشرقية ..

وللعلم أنا إنسانة تطلبني جهات كثيرة للعمل معها مع أني في المستوى الرابع وباقي لي سنتين عالتخرج ..
لكن أرفض بسبب الدراسة .. مع أني حاولت أعقد العقد مع الجهة المسؤولة بالدوام يومين في الأسبوع اللي يصادف يوم الإجازة في الجامعة .. لكن ما قدرت أكمل ..

لحظتها فكرت وين الشباب المتخرجين يشغلوا هالوظيفة ..

تعرفوا إلى الآن محتاجين .. لكن مافي ناس تبحث .. وهم مش لاقين ..!!

والله الموضوع يضحككك .. ويحزن بنفس الوقت ..

طبعا ناهيكم عن مؤسسة الملك عبد العزيز ورجاله للموهبة والإبداع ..

وغيرهم وغيرهم من اللي بيدعمو الإختراعات والأفكار وينموها ..!!

كم مرة اتصلت على مؤسسة الملك عبد العزيز .. وشفت الخدمات اللي عندها .. خدمة شاور !! خدمة تخيل ..!! وغيرها وغيرها .. يكلمك شخص خبير وتتناقش معاه على فكرتك ..

لكن للأسف .. لا نسمع لا نرى .. بس نتكلم ..


أكرر شكري للأخ الكريم ابن الكرام ..

وأعتذر أيضا عن الإطالة .. للحديث بقية ..