[مشمشانا]

شخصايا انا ما اويد الزواج المبكر مو عشان شي بس لاني اشوف نفسي لسه صغيرة
ويادوبك شايلة نفسي وبالقوة كمان وصعبة عليا اشيل مسؤولية زوج وبيت زوجية
بس في غيري مشاء الله بيقدروا والحمد لله مرتاحين وماشية امورهم
فيختلف من شخص للتاني و اللي يقدر على شيل المسؤولية فمي مشكلة يتزوج


فمثلا ماما كانت متزوجة وقت ما كانت تدرس وكنت انا وخويا عندها وكملت وتخرجت بامتياز
وكمان بنت خالي متزوجة وعندها بنتين وتخرجت دي السنة بامتياز ومع مرتبة الشرف في دار الحكمة
وبرضوا ولد خالي كان بيدرس في الخارج وعندوا اطفال ورجع بامتياز وماجستير

كل دا بصرحة دليل على انو الزواج ابدا مو عائق بالعكس دافع قوي للنجاح

بس برضو وحدة اعرفها تزوجت وسحبت من الجامعة سنة بعد الزواج ورجعت كملت ومستواها نزل

والتانية حملت واطرت تاجل سمستر وكمان وحدة دحين تفكر تقدم اعتذار كمان لانها حامل


فاحيانا يكون الزواج دافع قوي على النجاح واحيانا لأ على حسب قدرت الشريك على توفير الجو المناسب