وآقعية في أيش..؟؟
...............................
خلونآ نصير وآقعيينْ يآ نآس,,
هل سبب تأخر التعليم عندنآ هو منآهج الدين.. ورجآل الدين..؟؟
حكروآ سوء التعليم عندنآ على كتآب فقه مدري حديث.. وصوروآ لنآ صور تثير الإشمئزآز
لرجآل مُلتحينْ..
وكأنهم عصآبة
تقف ضد عجلة التطوير في وزآرة التربية والتعليم..
بالله هذآ هو السبب في تدني مُستوى التعليم في بلآدنآ..؟؟؟
سؤآل للعُقلآء فقط..
دُمتم سآلمين..
:(
|
يا امبراطورتي العزيزة اللي واقف في وقف عجلة التطوير في جميع النواحي مو بس التعليم هي العقول المتحجرة اللي تتحجج بالدين فكل كبيرة وصغيرة
كل ما جبتيلهم سيرة شي غلط حتى لو فالعادات والتقاليد ردوها إلى الدين
الموجود فكتب الفقه دا تعصب لمذهب ولاغي كل المذاهب الاخرى
يجيك يقولك في كتاب الفقه الربا والبطاقات الائتمانية والبنطال والصور حتى العاب الاطفال والدمى كلها حرام
ويجيك كتاب التاريخ دولتنا الرشيدة التمسمكة بتعاليم الاسلام واخرتها البنوك كلها ربا فربا وعيني عينك والرشاوي شغالة
ركزوا على كتاب الفقه لأنو يتحيز لمذهب معين ولاغي كل المذاهب الأخرى كأنها شي غلط
ليش ما يبينوا انو ترى المذهب الفلاني يقول كزا والمذهب الفلاني يقول كزا؟
ايش موقف الطالب لما يشوف الكتاب يقول شي وأهلو يقولوا شي؟؟
احنا دحين في موقف العالم كلو فاهم ديننا غلط
نقوم نطلع طلاب متعصبين ونفكك نفسنا اكتر ؟؟
بدل ما نفهمهم وسطية الدين والمذاهب الموجودة
وبعدين يقولك الاختلاف بين العلماء رحمة
هوا انتو اديتونا الاختلاف ايش هوا عشان نقول رحمة ولا لأ؟
وحدة صحبتي تدرس قانون كانت تاخد ثقافة اسلامية عند د.يمان طنطاوي كانت تقولهم "مصدقين انهم حيخلوكم محاميات؟؟؟ طلقوا المرأة من زوجها عشان نسب وحيخلوكم محاميات؟؟"
في اختلافها مع المذهب الحنبلي
الى متى واحنا عندنا كل من ربى لحيتو وقصر ثوبه ومسك المسواك صار مطهر من الذنوب ومحصن من الأخطاء؟؟؟
ليش لما يجي واحد يبين أخطاء الهيئة ولا عيوب اي واحد عندو لحية قومنا الدنيا عليه؟؟
ياترى هما ملائكة واحنا مو داريين؟؟
زي ما قال د. طارق السويدان فمؤتمر عزتي اسلامي "مشكلتنا لما نحب شخص نعتقد انو كامل مكمل ونكره أي شخص يذكره بسوء كره شديد "
لازم نعترف بوجود أخطاء لهم زي ما لهم محاسن
ازا الشيخ عادل الكلباني بنفسو قال نعم يوجد بين عنصرية بين رجال الدين فيما يتعلق بالمناطق فمابالك بالمذاهب؟؟
هل لأنهم يحاولوا يمثلوا الدين
بوجهة نظرهم يعني انو هما بيمثلوا الدين بالوجه الصحيح؟؟؟
زي مافي ناس ملتزمين وسطيين ونفتخر بيهم زي الدكتور القرني والعودة في ملتزمين متعنطين في الدين ويمثلوه أسوأ تمثيل
وعندهم إن لم تكن معي فأنت ضدي
وانا شفت نساء معلمات بالفكر دا
لاحظوا انهم معلمات
معلمة العربي في سنة أولى ثانوي كانت تكره وحدة صحبتي كره شديد لمجرد انها فتاة غير محجبة
اخرتها حنكون للاجيال القادمة زي الموضوع اللي كان حاطو م.دافور "القهوة حلال ولا حرام"؟؟
وكان موضوع يتكلم فيه عن اختلاف العلماء قديما حول القهوة
وطبعا ما اعرف فين اختفى الموضوع
وجهة نظر تحتمل الصواب والخطأ