[ابوفهد2006]

المشاركة الأصلية كتبت بواسطة >>> الثقافه الاسلاميه صعبه ؟ اوكي ممكن نقول الناس قدرات بس ماده الثقافه الدينيه نفس الي اخذناه في الابتدائي والمتوسطه والثانوي زي التوحيد والفقه والحديث منهجها اقل من سهل ..وكل الي فيه عن ديننا واحنا عارفين اغلب الاحكام وعارفين كل شي عن ديننا المفروض تعارضين حلقه طاش ماطاش بصراحه قمة في السخافه قاعدين يحقرون الدين ويقولون عنه تشدد قاعدين يسبوا الشيوخ ومو اي شيوخ لاااا الشيوخ المسؤولين والمفتين وقاعدين يفهمونا انهم هما رياء وسمعه والدليل لما جابوا ان الشيخ يرفض الشاب الي دارس دكتوراه عشانه يقرا جريده الرياض والوطن ويسمع اغاني ويقبلون بالواسطه ويستقعدون لكل من جا وتوظف عشان يوظفون الي يعرفونهم بالواسطه بعدين ترى موضوعك في وادي وسالفه طاش اليوم بوادي حلقه طاش اليوووم مغزاها اكبر من كذاا ولا هم ماهمتهم المناهج لو هامتهم كانوا اهتموا بالمناهج الثانيه ايش معنى منهج الدين الي مسكت معاهم فيه ليه ماتكلموا عن الانجليزي والله من المتوسطه واحنا نعيد ونزيد في منهجه قاعده if وكيف تكون سؤال وجواب وو وو والله حفظت المنهج وعناوينه من كثر ماتنعاد ليه ماتكلموا عن الرياضيات شوفونا مو قادرين نستوعب الرياضيات في الجامعه ولا الاحصاء لان منهجه من البدايه فاشل شوفوا بمصر كيف مناهجهم صح يجي طفل ماتعدا سادس ابتدائي ويحل لك منهج الجامعه كامل ليه ماتكلموا عن الفيزياء والكيمياء حتى معامل مافي زي الناس لا والمشكله حتى لو في معامل ماطبقوا التجارب فيها ليه ماتكلموا عن الجغرافيا والادب .. ليه ماتكلموا عن الانشطه الطلابيه والمفروض يكون لها لجنه متخصصه ويدعموا الطلاب وينموا مواهبهم مو مستقعدين لنا وللشيوخ الا يشوهوا سمعتهم طيب ليه دايماً يشوهوا سمعه الشيوخ ؟ مافي جانب ايجابي لهم ابداً دايماً هما الجلادين ؟ انتبهي يااختي لاتساعدينهم في تشويه سمعه الاسلام والمسلمين .. وانا عارفه انو هذا مو قصدك وانتي كتبتي بنيه طيبه .. وحسبي الله ونعم الوكيل فيهم

بارك الله فيك أخوي على هذا الكلام الجميل
ماضيع الناس الا هذا البرنامج المنحط طاش ماطاش والعلمانيه الذين يريدون فصل السياسه عن الدين وبعض الامعات الذين يرددون مايشاهدون ولايعلمون ماذا المقصد من هذا فالدين سهل وليس فيه غموض ولله الحمد فلا تعطي عقلك لغيرك أختى وانتبهي
فهذا شهر كريم هو شهر القران والذكر وليس لمشاهده المسلسلات وغيرها وهذي فرصه لتجديد العلاقه برب سبحانه وتعالى ومن كان لديه نقص في رمضان الماضي فل يجدد التوبه في هذا الشهر أسئل الله العلي القدير أن يهدي ضال المسلمين وان يردهم الى الحق أنه ولي ذلك والقادر عليه