لان الانسان بطبعه يميل أحياناً إلى الخطأ
نحنا كان عندنا قناة فور شباب
بس والله المنشدين اللي فيها كأنهم مغنين في حركاتهم
مو كل المنشدين
واتمنى انك ماتزعلي مني 
|
لأن الانسان بطبعه يحب النصح البسيط
يحب يتكلم الناس معاه ببساطته وبأسلوبه وبمستواه
ودا الشي انا وامثالي كتير مالقيناه في المجد
لما اجلس لأي برنامج فقناة المجد عمري ما اتفاعلت معاه زي برامج مصطفى حسني ولا عمرو خالد معز مسعود احمد الشقيري
يجوا يكلموني انا "اسماء" مو يكلموهم هما
أحسهم يجوا ويخبطوا على باب قلبي يكلموني أنا
هدا وانا سعودية وعايشة بالسعودية
ما بالك باللي برا ؟؟
يمكن هوا موجود في قناة المجد لكن اسلوبهم ما ناسبني ولا قدرت افهمهم واتفاعل معاهم
بس بالنسبة ليا انا
مافي أي مقارنة بين الاتنين
قناة فور شباب تداوي بالتي كانت هي الداءُ
وتحاول تتقرب للناس العامة عشان توريهم الطريق الصح وتصحح مفاهيم كتيرة في المجتمع مو بس الدين
وزي كدا كمان كل دعاة الشباب
ما وقفوا يطالعوا للشباب من ورا القزاز
نزلوا لعندهم شافوا ايش يبغوا شافوا ايش ناقصهم ايش احتياجهم
نجحوا لأنهم كانوا من دول الشباب وخرجوا منهم ورجعوا ليهم يصححوا الاخطاء والمفاهيم