معقوله تصير!!!

[دكتور منطق]

السلااااااااااام عليكم ورحمة الله

صراحه أنا متوظف وظيفة لاأرغبها ولكن سجلت منتسب في الجامعه (الحمد لله)

ولكن السوال اللي يطرح نفسه ؟؟؟؟؟؟

هل معقوله أصير مدرس حلم روادني لكن بعض الناس يقولون ان الانتساب فقط من باب

إكمال العلم"فقط"

لكن أسال الله مع هذه الساعه أن يحقق امنيت كل انسان.

[دمعة وفآ]

ما اعتقد يا خوي ان هذه المعلومة صحيحه
واذا انت خايف ان تكون لها اساس من الصحة
ادرس اول سنة انتساب وشد من حيلك وحول بعد كذا للأنتظام

[انسه طفشانه]

اخوي
الانتظام والانتساب نفس الشي من حيث الشهاده
يعني تقدر لما تتخرج منها تقدم على وظيفه مدرس وتتقبل باذن الله

بالتوفيق

[يارب تحقق احلامنا]

طيب يا ناااااااااس انا منتسب ووالله العظيم يوم السبت امس جا تقديم على ورزارة الدفاع والطيران طالبين مدرسين فى مدارس وزارة الدفاع وراح لهم واحد من اخوياي متخرج لغة عربية انتساب ورفضوة وقالو نبغا فقط منتضمين انا نفس شعورك يااخوي الغالى دكتور منطق لكن بالمجالات الاخرى اكيد بتحصل لكن مهما كان يعتبر طالب الانتضام افضل وفرصتة اكبر بالتعليم لكن انا اشوف لو تتخصص انجليزي بتحصل بالهبل وتعليم بعد بس على وزارة التربية والتعليم اسال اللة يوفقنا وياك الى النجاح والتوفيق فى الدنيا والاخرة

[عضوة جديدة]

يا ناس هذه ارزاااااااااااااااق هيه والله اني توظفت معلمه فتره وانا مادرست وقتها لاجامعه ولا كلية

ارزاااااااق

الله يوفقك انت وهوه ويحقق لكم مابنفسكم وبالخير

واذا ماتقبلتو صدقوني مو مكتوب مو عشان نوع شهاده

[أبوايلان]

يمديك تصير مدرس أنا أعرفك ناس كا نو عسكر ولمن كاملو الجامعه قدمو ع الخدمه المدنيه تعينو مدرسين وفصلو من العسكريه
تمنياتي لك بالتوفيق

[ابو سديم ()]

اشكر الاخ دكتور منطق على طرح هذا السؤال اللي كان يدور براسي من يوم فكرت بالانتساب واشكر الاخوان اللي جاوبوا على السؤال
والله يوفق الجميع لكل خير ... اخوكم منتسب جديد وان شاء الله افيد واستفيد

[ع الشمراني]

اخوي يمديك تصير مدرس انا لي زميل عسكري كمل انتساب وقدم على التعليم وجاه نصيبه وعينوه بالطائف وتخيل عمره الحين 39 سنه وتوه متعين الحين
لكن شهادته انجليزي
انت شد حيلك وادخل تخصص مرغوب وراح تتعين ان شاء الله

[دكتور منطق]

المشاركة الأصلية كتبت بواسطة دمعة وفآ ما اعتقد يا خوي ان هذه المعلومة صحيحه واذا انت خايف ان تكون لها اساس من الصحة ادرس اول سنة انتساب وشد من حيلك وحول بعد كذا للأنتظام

شكرا ياغالي ع الرد الحلو ونتمنى التوفيق للجميع

[دكتور منطق]

المشاركة الأصلية كتبت بواسطة انسه طفشانه اخوي الانتظام والانتساب نفس الشي من حيث الشهاده يعني تقدر لما تتخرج منها تقدم على وظيفه مدرس وتتقبل باذن الله بالتوفيق

شكرا (آنسه) ع المشاركة الحلو وبالتوفيق