معيدات الحاسب المرشحات لفرع الفيصلية

[شـــ م ـــــوخ]

صباح الخير ،،

اللي عندهم مقابلة الاسبوع ذا لوظيفة المعيدة ( قسم الحاسب ) فرع الفيصلية

فتحت الموضوع عشان نتجمع ونفيد بعضنا

متى مقابلاتكم ؟؟ وكيف استعداداتكم ؟؟

أتمنى لو أحد سوا المقابلة يفيدنا ^_^

[N9oora]

مساء الخير ..

انا مقابلتي يوم الاربعاء بأذن الله .. وانتي متى مقابلتك ؟
و بخصوص الاستعداد والله اعتمدت على موضوع "كيف اصبحت معيده " و استعدادتها ..

وسألت موظفه عن طبيعه المقابله تقول
" المقابله متنوعة وشفوي وممكن إنجليزي وعربي "

و وحده من البنات صحباتها سو مقابله وظيفه معيده لكن بفرع السليمانيه
تقول انه كانت بالعربي واسئله شخصيه مافيها شئ عن التخصص

موفقين جميعا ان شاء الله

[شـــ م ـــــوخ]

المشاركة الأصلية كتبت بواسطة n9oora مساء الخير .. انا مقابلتي يوم الاربعاء بأذن الله .. وانتي متى مقابلتك ؟ و بخصوص الاستعداد والله اعتمدت على موضوع "كيف اصبحت معيده " و استعدادتها .. وسألت موظفه عن طبيعه المقابله تقول " المقابله متنوعة وشفوي وممكن إنجليزي وعربي " و وحده من البنات صحباتها سو مقابله وظيفه معيده لكن بفرع السليمانيه تقول انه كانت بالعربي واسئله شخصيه مافيها شئ عن التخصص موفقين جميعا ان شاء الله

الله يعطيك العافية ..

أنا مقابلتي يوم الخميس إن شاء الله .. يلا نستفيد منك بعدين *_^

حتى أنا سألت موظفة قالت ممكن عربي أو انجليزي

الله يكتب لنا الخير

[..microbiologist..]

ماشاءالله بالتوفيق

بس إذا ممكن سؤال انتو قدمتو ملفاتكم لسكرتارية القسم أو التسجيل من الموقع ؟

[DONUTS]

أهلا وسهلا :")

الأسئلة كانت عامة ومافي أي شي يخص التخصص . لا تتوتري ابدا و توكلي على ربنا :)
من الأسئلة كان التالي :
ليش تبغي تكوني معيدة؟ لو ما انقبلتي ايش راح تعملي؟ هل موافقة على الابتعاث ؟ تكلمي عن مشروع تخرجك .. ايش تعتقدي سلبيات انك تكوني معيدة ؟ ايش اخر خبر سمعتيه ؟ من هو ولي ولي العهد هههههه شوفي معظم الاسئلة موجودة في الانترنت اتطلعي على المواضيع
في كمان هل تتابعي الاخبار ؟ ايش هواياتك ؟ اللي من فرع السلمانية انسئلو ليش قدموا على الفيصلية ؟ كمان ليش ناخذك انت عن غيرك ؟ تحدثي عن نفسك ؟ في اي تخصص حابة تكملي؟ وسألو عن مؤتمر قريب حيحصل ايش اسمو ؟

و يخلوكي توقعي على ورقة انو عادي اقبل اشتغل في اي قسم اخر غير اللي قدمت عليه


الله يوفقك و يوفق الجميع و ان شاء الله تتيسر بس اهم شي ابعدي التوتر عنك وسمي بالله قبل ما تدخلي وكثري استغفار عشان تتيسر الأمور 3> 3> 3>

[شـــ م ـــــوخ]

المشاركة الأصلية كتبت بواسطة ..microbiologist.. ماشاءالله بالتوفيق بس إذا ممكن سؤال انتو قدمتو ملفاتكم لسكرتارية القسم أو التسجيل من الموقع ؟

عني قدمتها للقسم

[شـــ م ـــــوخ]

المشاركة الأصلية كتبت بواسطة donuts أهلا وسهلا :") الأسئلة كانت عامة ومافي أي شي يخص التخصص . لا تتوتري ابدا و توكلي على ربنا :) من الأسئلة كان التالي : ليش تبغي تكوني معيدة؟ لو ما انقبلتي ايش راح تعملي؟ هل موافقة على الابتعاث ؟ تكلمي عن مشروع تخرجك .. ايش تعتقدي سلبيات انك تكوني معيدة ؟ ايش اخر خبر سمعتيه ؟ من هو ولي ولي العهد هههههه شوفي معظم الاسئلة موجودة في الانترنت اتطلعي على المواضيع في كمان هل تتابعي الاخبار ؟ ايش هواياتك ؟ اللي من فرع السلمانية انسئلو ليش قدموا على الفيصلية ؟ كمان ليش ناخذك انت عن غيرك ؟ تحدثي عن نفسك ؟ في اي تخصص حابة تكملي؟ وسألو عن مؤتمر قريب حيحصل ايش اسمو ؟ و يخلوكي توقعي على ورقة انو عادي اقبل اشتغل في اي قسم اخر غير اللي قدمت عليه الله يوفقك و يوفق الجميع و ان شاء الله تتيسر بس اهم شي ابعدي التوتر عنك وسمي بالله قبل ما تدخلي وكثري استغفار عشان تتيسر الأمور 3> 3> 3>

كويس ريحتيني وربي الله يعطيك العافية حبيبتي .. ويوفق الجميع

بس متى كانت مقابلتك ياعسل ؟ وفي أي فرع ؟

والأسئلة كانت عربي ولا انجليزي؟ (:

[نوره الغامدي]

الله يسعدك يا شموخ يعني اخذتي ملفك و وديتيه عند السكرتيرة تبعت القسم ؟


طيب هل كان فيه اعلان مسبق , أو بس انتي روحتي وديتيه ؟



موفقين :)

[N9oora]

مساء الخير

اليوم كانت مقابلتي الشخصيه مثل ماقالو البنات اللي قبل اﻻسئله شخصيه و عامه مافيها شئ عن التخصص
مثل تكلمي عن نفسك
و تكلمي عن مشروع التخرج
و الدورات اللي حضرتيها من قبل
و هل راح تقدرين تبتعثين
ايش هواياتك و اخر كتاب قريته وهل تتفرجين اخبار

طبعا علوم الحاسب المقابله كانت بالعربي كامله
لكن تقنيه ونظم كانو يسألونهم بعض اﻻسئله بالانجليزي و بعض البنات اغلب اﻻسئله بالانجليزي

وسألت وحده من الوظفات متى تطلع اسماء المقبوﻻت قالت من 3 الى 6 شهور


وبخصوص الجميله اللي تسأل عن التقديم انا قدمت في رمضان للقسم بس كان فيه اعلان قبل على موقعهم

موفقين

[شـــ م ـــــوخ]

المشاركة الأصلية كتبت بواسطة نوره الغامدي الله يسعدك يا شموخ يعني اخذتي ملفك و وديتيه عند السكرتيرة تبعت القسم ؟ طيب هل كان فيه اعلان مسبق , أو بس انتي روحتي وديتيه ؟ موفقين :)

أيوه كان فيه إعلان في موقع الجامعة بدأ التقديم في شعبان وانتهى في نص رمضان تقريباً

وملفي والله أرسلته مع وحده عشان ماقدرت أروح