ايش ناقصنا عن خريجات الجامعات الصغيره ....اقل شي عباية التخرج

[الجفلي]

السلام عليكم ورحمة الله وبركاته اعزائي باذن الله هذا الترم انا خريجه وسالت احدى الموظفات ايش هي اﻻجراءات بعد ماخلصت اﻻختبار ايش ممكن اسوي وانا خريجه ردت علي كبري مخدتك ونامي حبيت اقل حاجه تقول الف مبرووووك لكن للاسف فارجو منكم توضحو لي ايش اﻻجرات اللي اقدر اعملها لان ماغيرو من طالبة في حالة دراسة الى متخرجه وﻻ ادري متى استلام الوثيقة وبعدين الجامعات اﻻخرى مجرد مايعرفو انها خريجه اخر اختبار يلبسونها عباية التخرج ويفاجاءون الواحده واحنا حتى الرد الحلو مافي

[سعد آل ضباح]

أولا مبروك التخرج مقدما وثانيا كلامك صح ليش ما يعملوا حفل تخرج ومن حقنا ليس من حقهم ولكن نقول الحمد لله تخرجنا وهذا فضل من الله عز وجل

[Abrar88]

اختي مبروووووك التخرج ولا تزعلي نفسك من ردود الي زي كدا
واجراءات التخرج تروحي في يوم موعد تسليم الوثيقة الي هوا 30 شعبان زي ماهم محددين في التقويم الجامعي عمادة القبول والتسجيل ومن عندهم تعبي ورقة اخلاء طرف وبعدين تسلميهم بطاقتك الجامعية ويسلموكي الوثيقة ومبروك عليكي
وبالنسبة لحفل تخرج الجامعة بتعمل لكل الطالبات سواء انتظام او انتساب ويعطونا روب التخرج كمان كل سنة يعملو حفل تخرج انتي بس خليكي متابعة المنتدى عشان تعرفي متى تستلمي الروب ومتى تكون موعد الحفلة بس لاتستعجلي لأنها بتكون بعيدة شوية ممكن بعد سنة

[om yara]

لا انا كملت الاستاذه نسرين قالت في اجراءت قبل يوم التسليم اللي هي اخلاء الطرف
وتوقعيها من كذا مكان وقالت روحو بدري لانو ياخذ وقت وهم يعطوكم الاخبر الاكيد
علي تسليم الوثائق انا بروح الاثنين الجاي باذن الله