بالنسبة للمنح (الاعفاء من الرسوم الدراسية )للانتساب

[roni_k]

السلام عليكم ورحمة الله وبركاتة
جماعة انا ال4 الاترام الي فاتت كلها كنت اعفاء قبل ترمين قالو لازم الطالبات يجددو الاعفاء وكنت اروح اجدد وعادي ينزل الاعفاء لكن الترم ذا رحت الجامعة وكتبت اسمي ومعدلي ورقمي الجامعي وسألت الموظفة متى ينزل الاعفاء قالتلي بعد اسبوعين لكن الجدول ما نزللي لين دحين وارسلولي على الجوال انو التجديد سار الكترونيا (بعد المشوار والمرمطة في البوابة عشان ادخل واجدد عشان الانتساب مو اي يوم يدخلو ) يسير الكتروني ما علينا جددت الكترونيا وحطيت المستندات الازمة والمعلومات وكل شي وجددت واكدت الطلب يوم الاحد طبعن الجامعة ردولي الخميس وبعد دوامهم انو اترد الطلب والمستندات ناقصة ما علينا حطيت كل المستندات وكملتها ورجعت عملت تجديد وتأكيد الطلب الجمعة والين دحين في مرحلة التدقيق والنهاية
؟ومكتوب المنح حتقفل 28 شهر 4 يعني الجمعة والنهاية يعني ايش اسوي معاهم دول ؟رحت الجامعة وطلبت تجديد وحطيت كل البيانات الي يبوها لو ما استحق الاعفاء ما كان نزلي في السنتين الي فاتت ما اتغير شي لا اتوظفت ولا شي باللهي يا جماعة الي يعرف احد ممكن يساعدني يفزعلي

وشكرا

[حور الجنة]

انا كمانة مثلك بس اليوم كلمتهم تلفون و قالت لي لسه ما جا دورك في التدقيق

[roni_k]

كيف يعني اجل ليه اول قالولي السندات ناقصة وخلاص الجمعة يقفل التقديم

[soul angel]

ليه تجددو ؟؟ يعني المعدل نزل عن المعدل المطلوب او ايش؟

انا بصراحه عندي اعفاء ولا اجدد عادي ماشيه

[roni_k]

الا عشان نزلو نظام جديد التجديد الكترونيا

[أمواج دافئة]

هل هناك شروط الإعفاء ،
التقديم حق لاي طالب يقدم إعفاء و الا مقنن مو اي احد

[nour al3mr]

^
للأسف الإعفاء انتهى
و هنا معلومات عنه أختي أمواج دآفئة
الاعفــــــــــــــاء ( النظام الالكتروني الجديد) 1435هـ

[soul angel]

حتى انا المفروض اني اجدد ؟؟

لاني عدلت جدولي عادي مافي أي مشكلة واجهتني

ايش الغباء هذا حق الجامعة

[nour al3mr]

^
طالمآ وضعك الآن مستمر و ما عندك أي إيقاف و معدلك ما نزل
فما أتوقع إجباري عليك التجديد

[m-e-m-e-1458]

الإعفاء اتمدد هذا الأسبوع وبكرة ح يكون اخر يوم