للرجاااااااااااااااااال فقط.... من جد قهر

[Memo_Moon]

السلام عليكم ورحمة الله وبركاته..


اليوم شفت موضوع اتاحة اختبارت مناطق لكلية الاقتصاد والادارة.. ماصدقت عيوني .. واخيرا.. افتكروا فينا .. يعني خلاص مافي غربة .. مافي بهدلة في الشقق المفروشة... مافي هواش مع سواقين الليموزين النصابين.. مافي اكل من مطاعم جدة النظيفة.. يعني بكون مع اولادي وما اتركهم واحد في بيت اختي واحد معاي.. يقاسي الغربة.. ولكن للاسف..
يافرحة ماتمت..

اتصلت بمعهد العالمية..وحبيت استفسر ولكني تفاجأت يقول اختبار المناطق .. للرجال فقط.. للرجال فقط..

احد يفهمني ليش للرجال فقط .. يعني المرأة عادي تروح تتغرب.. وتسكن في الشقق المفروشة اللي بعضها يشترط وجود محرم.. عادي تركب مع اي سواق ليموزين ما تدري توصل الجامعه او لا .. يعني المراه ماعندها مسؤوليات زي الرجال.. ما أقول الا حسبي الله ونعم الوكيل.. المشكله في الصمت الرهيب.. هل الكل راضي بالوضع وعاجبه.. لو كل واحد شاهد الموضوع واضاف رد .. ممكن صوتنا يوصل للمسؤولين..

[mes2009]

لا يااختي علشان تعرفين جامعتنا الموقرة داجة وزاحفة بقوة



مجرد دلوخ لا اكثر

[mes2009]

وصلوها لسبق سو قروب هنا ووصولها لسبق واشتكوا على مدير الجامعة مالها الا كذا

[Zanetti]

والله أني حاس بمعانتكم ,, لكن وش نقول غير جامعة مش حالك ,,

بالتأكيد البنات أولى من الرجال في اختبارات المناطق ,,

للأسف متخذي القرارات في الجامعة مجموعة ح م ي ر ,,

[طالب مجتهد 5556]

ياويلهم من الله

والله البنات اولى بمليون مرة من الرجال

لكن هذه السياسة والله ينتقم من كل واحد يريد خروج المرأة اجباراً

[mes2009]

شكلهم ليبرالية اللي طلعوا القرار الغريب ذا؟

[Memo_Moon]

نو كومنت

[صادق التعبير]

والله يكون بعونكم والله قهر والله انتم اولى من الرجال

[Nephrology]

* لسنا راضين عن الوضع ، وهذة أول مشاركة لي بعد ظهور الخبر ، والزملاء لديهم أيضاً مشاركات

لا اعتقد أن هناك تخبطّ بالقرارات أكثر من هذا القرار ، لقد فرحنا كطلاب بإختبار المناطق وإن لم يتوفر فسوف نستطيع النوم فوق الرصيف في جدة أو داخل السيارة ، والشاب يستطيع ملائمة وضعة بأي طريقة إن لم يجد سكن ،، ولكن المصيبة أن يستثنى الطالبات من هذا التنظيم العقيم ، أليست الطالبات أولى بإختبار المناطق ؟ مراعاة لظروفهم الخاصة والعائلية وحفظاً لهن من متاعب السفر ومايتبعه من متطلبات شرعية مثل المحرم ومتطلبات أمنية كبطاقة مدنية خاصة بها وأشياء أخرى تجعل الطالبة تفكر بالعزوف عن الدراسة ومواصلة مشوارها التعليمي المليء بشوك التعقيدات ، للأسف أن بعض القرارات اثبتت صدورها بإجتهاد فردي دون دراسة ودون إحساس بعمق المعاناة النفسية التي تصيب الطالبات (من خارج جدة) قبل الإختبارات ، أنا كطالب لاتسعني الفرحة بالموافقة بأداء إختباراتي في منطقتي ، ولكن يبقى جرح الجامعة مفتوح حتى يضمد بقرار إختبار الطالبات في مناطقهن

[ااابو يزيد]

ياخي حنى يالرجال لما نجي جده نتبهدل من الشقق ورفع الاسعار وزين اذا حصلت شقة

اجل كيف هالمسكيناات والله اني تفاجئة من هالقرار

والله العظيم لو خيروني باختبار المناطق للرجال او النساء

والله لا اختار النساء حنى رجال ونعرف نتصرف بالغربه