سآعدوني بآختيار مواد تنفعني لتحويل لتخصص آخر ..؟

[أميرهـ الدلع]

السلآم عليكم
آنا تعبت معدلي 2.29 وابي احول من دراسات لعلم نفس واعرف كم وحدة نقلت ومعدلها منخفض بس الله يعين ومالي الا اني ادرس مواد تكون موجودة بعلم النفس يعني مااكون ضيعت ترم بمواد دراسات اسلاميه وانا ماابيه ..؟ فهمتوني
وهل بعد ترم يرتفع المعدل ..؟
واقدر احول لعلم نفس ..؟
بليز آفيدوني

[أميرهـ الدلع]

نزلت خطة دراسات اسلامية وعلم نفس لقيت خمس مواد موجودة بالخطتين هل اقدر اختارها
على حسب اربع او خمسه مدري كم يحسب لي لسه ماسددت الرسوم
اللغه العربية 1 لاني حملتها
الثقافة الاسلامية 2
الشباب وقيم المواطنة
الفكر الفلسفي في ضوء الاسلام
مقدمة في العلوم الطبيعية
آبي آرائكم ..؟

[Turki Alsultan]

مافي مواد عامه بين التخصصية ؟

بنسبة للمعدل بامكانك ترفعينه بسهوله الان في حال كانت درجااتك عاليه

بتوفيق

[أميرهـ الدلع]

يسلمؤؤؤ على الرد
هذي المواد لقيتها مشتركة فقط بين الاثنين هل اقدر اختارها او راح يكون اعتراض

[غيم تايه]

المشاركة الأصلية كتبت بواسطة أميرهـ الدلع السلآم عليكم آنا تعبت معدلي 2.29 وابي احول من دراسات لعلم نفس واعرف كم وحدة نقلت ومعدلها منخفض بس الله يعين ومالي الا اني ادرس مواد تكون موجودة بعلم النفس يعني مااكون ضيعت ترم بمواد دراسات اسلاميه وانا ماابيه ..؟ فهمتوني وهل بعد ترم يرتفع المعدل ..؟ واقدر احول لعلم نفس ..؟ بليز آفيدوني

وعليكم السلام ورحمة الله وبركاته

حياك الله :

اختي التحويل له شروط يجب ان تنطبق عليك ، انتي في اي مستوى ، لانه اذا تجاوزتي نصف المقررات ما يجوز تحولي ،، وياليت تشوفينها تمام ، وعليك بمراجعة الجامعة خصوصا في مثل
هذه الاوقات فقد يتم تحويلك ، ويمكن ان تحولي الى قسم اخر مثل علم اجتماع ..
اما بالنسبة لارتفاع معدلك هذا يعود على همتك ، والدرجات التي ستحصديها في الاختبارات ، لا تبتئسي ولا تيئسي ، واعلمي انه على قدر اهل العزم تأتي العزائم ،، إذا في رأسك تحويل خليه همك ليل ونهار ـ شدي حيلك وانتي تشوفين معدلك كيف يتغير ،،

بالنسبة للمواد المشتركه هذا هو التفكير السليم ، ويمكنك ايضا اخذ مادتين من علم النفس كمواد حرة في قسم الدراسات الاسلامية ، مثل مدخل علم النفس ، ومادة علم نفس نمو ، فإذا حولتي إلى قسم علم النفس حسبت لك ، وإذا لم تحويل من قسم الدراسات فتحسب لك مواد حرة تجاوزتيها ..
ويمكنك ايضا اخذ مادتين من قسم الدراسات الاسلامية مثل علوم القرآن ، ومادة التفسير او اي مادة اخرى وعندما تحولين تحتسب لك مواد حرة ، وإذا ما حولتي واستمريتي تحتسب مادة تخصصية تم اجتيازها ،،

سجلي الجدول اللي اشرتي إليه ، وشدي حيلك وهمتك ، وذاكري والوقت قصير وان شاء الله يتحقق لك مرادك واي سؤال انا في خدمتك ،، موفقه يارب ..

[أميرهـ الدلع]

انا خلصت السنه التحضيرية واجلت ترم والحين بكمل يعني الحين المستوى الثالث حيكون هذا اول ترم بدراسات اسلامية
وبعدها بنقل لعلم نفس ..
بخصوص المواد هذي مثل مدخل علم النفس ، ومادة علم نفس نمو
اقدر اخذها وانا بدراسات اسلامية !!؟

[غيم تايه]

&&&

نعم تقدري تاخذي المادتين من قسم علم النفس ، ولو استمريتي في قسم الدراسات الاسلامية فسوف تحتسب مادتين حرتين تم اجتيازها .. وإذا حولتي راح تعتبر من مواد علم النفس التخصصية وتطالبين بمواد حرة من خارج قسم علم النفس ،،،

بما انك طالبة في المستوى الثالث ،، اقرئي هذه المشاركة التي سبق قدمتها لاحدى الاخوات ..
ممن التحق بقسم الدراسات .. مجرد اطلاع واستفاده لا اكثر ...

المشاركة الأصلية كتبت بواسطة غيم تايه حياك الله : مبروك النجاح في السنة التحضيرية ، وبالتوفيق في مشوارك وتخصصك الدراسات الاسلامية .. وان شاء الله امورك متيسرة ، والكل يتعلم ، الطالب عنده أربعة انواع من المقررات : 1- مواد تخصصية ، وهي التي تتعلق بالقسم الذي تخصصتي فيه ، يجب على الطالب ان يأخذها جميعها . 2- مواد عامة ، وهذه متطلبه على الجامعة ، مثل الثقافة الاسلامية والعربي 1 و2 . 3- مواد حرة ، وهذه يكون للطالب فيها حرية الاختيار من اي قسم شاء خلاف قسمه .. 4- المواد الاجبارية التي من خارج القسم وهذه ليس للطالب فيها اي حول ولا قوة لابد من اخذها مثلها مثل التخصصية .. * إذا الطالب لا يخير إلا في المواد الحرة ،، وافضل انك تتركيها في الوقت الراهن ، حتى تمشي في المواد التخصصية ، وتتركيها لفصول متأخرة حتى لو حصل أي تعارض بين شعب المواد تكون حاضرة للتسجيل . * أبدئي في ترتيب جدولك على اساس انك تأخذي المواد المتطلبة لمواد أخرى حتى إذا قيل لك لا تسجلي مادة فلانية إلا بعد متطلبها يكون قد اخذتيها .. مثل فقة عبادات 2 متطلبها الاساسي فقه عبادات 1 ، والثقافات بأنواعها كل واحدة منهن هي متطلب التي قبلها ابداء من 1 إلى الثقافة 4 .. . بالنسبة لكيفة التسجيل في النظام الجديد فيه مشاركات عديدة تم ادراجها توضح للطالب كيف يدخل ويضيف ويحذف ، وبالصور ، وكيف يعرف الارقام المرجعية ، ولازم تكون حركتك سريعة فإذا قررتي هذه المواد وجب معرفة من يقوم بتدريسها من المعلمات أو الدكاترة والسؤال عن افضلهم .. حتى تضمني الفصل هذا بأن يكون محطة لرفع المعدل واجتيازه على اكمل وجه .. اعتذر منك على الإطالة ، ومن التدخل ، موفقه يارب ..

[أميرهـ الدلع]

يسلمؤؤؤؤ مره افدتني كنت مااعرف المواد الحره والتخصصيه
الف شكر لك اخي العزيز

[ساكو]

ماقصر غيم تايه .. موفقه يارب