لماذا لا يكون بكالوريوس ،، اثنين في واحد ؟؟

[ممدوح حائل]

السلام عليكم ورحمة الله وبركاته ،،،

////////////////////////////////

وأيام مباركة على الجميع



وتقبل الله من الجميع صالح الأعمال ،،،

/////////////////////////////

شفت احد الاقتراحات من أحد الاخوة بخصوص المعدل ،، وخطر في بالي موضوع
سابق قد تناقشت انا واحد الزملاء فيه ،، وحبيت أطرحه للنقاش مع الجميع ،،
لعل وعسى أحد يدلنا على طريقة ، أو معلومة أكيدة ، أو ان ينقل هذا الاقتراح
لذوي الاختصاص في جامعة الملك عبدالعزيز ( يمكن نطلع بنتيجة )

الاقتراح وكما هو معمول فيه في الجامعات ( الخارجية ) وهو على سبيل المثال : ـ
نحن ندرس ( إدارة عامة ) واقرب قسم لنا من ناحية المواد والخطة الدراسية ( إدارة اعمال )
طيب لماذا لا يكون متاح للطالب بعد الانتهاء والتخرج من الكلية اللي هو انجز موادها جميعاً وحصل
على درجة البكالوريوس فيها ــ أن تتاح له الفرصة ان ياخذ بكالوريوس ثاني ـ بقسم آخر ،،
وذلك بعد ان يتم حذف جميع المواد ( المتطابقة ) بين الكليتين ( مثلا إدارة الاعمال والادارة العامة )
وينظر للمواد الغير متطابقة وتكون هي المطلوبة للحصول على البكالوريوس الثاني ،،

بالتالي تجد أن المواد المختلفة لا تتعدى الـ ( 8 ) مواد بمجموع ( 24 ) ساعة ،،
وبالامكان اخذها بترم واحد أو بترم + ترم صيفي ،،، .
وممكن في حالة تطبيقة ان يكون هناك شروط معينة للطالب الراغب بذلك تقرها الجامعة ،،

حقيقة لا املك معلومة هل هذا الشيء يمكن تطبيقة في جامعة الملك عبدالعزيز وهل هذا
الاقتراح مناسب لو تم الرفع به إلى المسئولين في الجامعة ؟

لكن الملعومة الاكيدة انه مطبق في الجامعات الخارجية ( امريكا واوربا ) على سبيال المثال ،،

ياليت الاخوان يفيدوننا بما يرونه ،،

مع خالص الدعاء بالتوفيق للجميع ،،،، .

[فهد العنزان]

ماشاء الله عليك اخوي الكبير ابو سعود كلام جميل مجلس الجامعات لديهم صلاحيات كثيرة حالياً بعكس النظام سابقاً ، الموضوع يحتاج دعم من الكلية كلية الاقتصاد والإدارة ومن ثم رفع الموضوع لمجلس الجامعة العلمي للتنفيذ ، بعكس الاجراءات سابقاً لابد من اخذ موافقه وزارة التعليم العالي في الامر .
وكل عام وانت بخير والاسرة الكريمه بحائل - والعيد عليك مبارك - مقدماً

[ابو تركي 1]

اول مره اسمع بهذا الشئ
لكن الازدواجيه اتوقع صعبه

[الزهراااااني]

يعطيك الف عافيه اخوي ممدوح

ليت والله يطبقونه لكن مااتوقع
ومن قريت الموضوع جاي باقول انه مطبق برا فقط

مثل مذكرت

تخيل اتخرج بكالوريوس اداره عامه وبكالوريوس ادارة اعمال

خليهم يساعدونا في اللي احنا فيه ويطورون وضعهم الان بعدين يمكن يفكرون يحولون الموضوع الى لجنه ويقولون انرفض

الله ييسر الامور
وكل عام وانت بخير

[جافنشي]

هذا النظام هو المعمول فيه في كل جامعات امريكا وبريطانيا وكندا وغيرهم من الدول المتقدمه

عشان كذا يجيك الامريكي عند 2 بكالريوس ,, وحنا نفك حلوقنا ونفغر ونقول يهب عليه دافور .. والدعوه انه زي ماتفضلت يا اخي صاحب الموضوع : الدعوه ترمين ويصير معه 2 بكالريوس وحتى لو 2 ماستر


بس التعليم العالي عندنا يقولون لك . . صديق اذا انتا يبغى بكالريوس تاني لازم يدرس من بدايه ومن اول
تقولهم .. بس المواد نفسها متكرره وكذا .. يقولون : انا معلوم بس لازم انتا سوي ستدي من أول
تقولهم : في امريكا والدول المتقدمه يسوون كذا
يقولون لك : معلوم بس لازم يدرس من أول .. كذا نظام ...

كيف لنا ان نتقدم والمسؤوول لدينا عطـّل عقله ويفكر بـ كرشه
كيف لنا ان تطـــــــــــور وبطن المسؤول يعمل اكثر من عقله



بس فيه حل :
قدم على اي جامعه خارجيه وعادل المواد وادرس الباقي وجيب شهاده جامعه من امريكا وان بغيت تقدر تحصل 2 ماستر بنفس الطريقه
او
في جامعات امريكيه وشهاداتها امريكيه لها فروع في قطر والاردن



تعودنا ان الاخ فهد العنزان هو حلقة الوصل بيننا الطلاب واداره الجامعه
الدور عليك يافهد توصل الفكره لمنتدى الجامعه الرسمي

[شهبندر]

أنا اشوف انك تكمل ماستر أحسن وأقوى من انك تحصل على 2 بكالوريوس

[يمشي بالبركه]

لكن كيف اكمل ماجستير ورسوم الترم الموازي 18الف هل يعقل ام هي مخصصه لي طبقة معينه
لكن كافكرة اخونا ممدوح اعتقد افضل واوفر

[شانزليزيه]

المشاركة الأصلية كتبت بواسطة جافنشي بس التعليم العالي عندنا يقولون لك . . صديق اذا انتا يبغى بكالريوس تاني لازم يدرس من بدايه ومن اول تقولهم .. بس المواد نفسها متكرره وكذا .. يقولون : انا معلوم بس لازم انتا سوي ستدي من أول تقولهم : في امريكا والدول المتقدمه يسوون كذا يقولون لك : معلوم بس لازم يدرس من أول .. كذا نظام ... كيف لنا ان نتقدم والمسؤوول لدينا عطـّل عقله ويفكر بـ كرشه كيف لنا ان تطـــــــــــور وبطن المسؤول يعمل اكثر من عقله

هههههههههههههههه

1+

[عبدالله بن سليمان]

الفكرة ممتازة

بس وين الي بيستوعبها في الجامعات السعودية

[طـــالـــب]

ياليتها تطبق عندنا يا خوي ممدوح
لويسووون شروط ومعدلات لدارسة البكالريوس الثاني وصدقني راح يطلع نتائجه طيبه بعدين لطلاب وللبلد بس عندك ناس تبني وتهدم وناس تهدم بس وقليل من يبني ويطور

المشاركة الأصلية كتبت بواسطة فهد العنزان ماشاء الله عليك اخوي الكبير ابو سعود كلام جميل مجلس الجامعات لديهم صلاحيات كثيرة حالياً بعكس النظام سابقاً ، الموضوع يحتاج دعم من الكلية كلية الاقتصاد والإدارة ومن ثم رفع الموضوع لمجلس الجامعة العلمي للتنفيذ ، بعكس الاجراءات سابقاً لابد من اخذ موافقه وزارة التعليم العالي في الامر . وكل عام وانت بخير والاسرة الكريمه بحائل - والعيد عليك مبارك - مقدماً

اخوي فهد إلى الآن والمركزية موجوده (متأثر بأجهزة التطوير الاداري) ولا يستطيعون يسون شيء إلا إذا تبناه الوزير امور زي هذي لابد انها تطبق في كل الجامعات