اللي اختبر مادة محاسبة حكومية الترم الماضي يا ليت يشرفنا !

[ma_alsaif]

السلام عليكم

بإذن الله راح يكون عندي اختبار محاسب حكومية يوم الأربعاء القادم

وحبيت من اللي اختبروا المادة الترم الماضي يفيدونا عن نوعية الأسأله وكيف جاتهم ( ولو تكون بالتفصيل الممل يكون افضل ) وبالنسبة لسؤال اعداد كشف التوازن او الموازنه هل تم تزويدكم به في الأسئله ام لازم انك انت ترسم الجدول وتعبيه

اتمنى ان نجد ما ينير لنا طريقنا

ودمتم سالمين

[قلم رصاص ازرق]

كان امتحاني اليوم كانت 100سؤال وكل المنهج جاءفي الاسئله

[ma_alsaif]

كيف جت الاسئله يعني وش نوعيتها ؟

[الطامح]

الاسئلة كانت صح وخطأ واختيار من متعدد

[ma_alsaif]

هل انت انتساب ام انتظام

لأن اختبار الإنتساب يوم الأربعاء وانت تقول انك اختبرت المادية

ويا ليت من اللي سبق واخذو الماده يفيدونا عن طريقة الأسئله

وهل فيها شيء تحريري ام كلها صح وخطاء واختيار متعدد

ودمتم سالمين

[منحوس فى الجامعة]

السلام عليكم ma_alsaif

هلا وسهلا بصديقى فى نفس القسم ( بس أنا سابقك بترم )

بالنسبة للمحاسبة الحكومية أنا أختبرتها الترم الماضى وحملتها والشكوى على الله

وحذفتها الترم هذا لانى منيب مستعد للاختبارات كويس ... ( كن ودى أسولف )
اللى جا فى الاختبارات وحسب اللى أذكر :
1 - صح وخطأ .
2 - أختيارات ( سؤال وأربع أختيارات ) .
3 - جداول فاضية وتفرغ فيها الميزانية ومعادلة الميزانية .. ومدرى في شى أسمه الموازنه العامة والا لا ؟؟
وشى مدرى وشو .... قيود الظاهر .... والله ما أذكر

هذا اللى أذكره وأن كانك ما فهمت قولى وأعلمك على حسب ما أذكر

والعذر والسموحه على اللى نسيت لان الاقتصاد الجزئى شكلى بجيب فيه العيد وضايق صدرى ما توقعت الأسئلة

[ma_alsaif]

مشكور اخوي منحوس عسى الله يوفقك وتوكل على الله وذاكر دروسك اول بأول تنجح وتصير الأول ( متأثر بغصب واحد قديم )

بس هل الجدول فاضي وانا اعبي فيه ولا كاتبين فيه وانا اعبي الأرقام بس

ومره ثانيه ما قصرت

[منحوس فى الجامعة]

ولو يابوسيف تحت مرك وأنا أخوك ..بس تعال هنا ؟؟؟

باقى عندى أختبارين ( نظرية تنظيم ),(أخلاقيات العمل ) عندك معلومات شى عنها ؟؟

بالنسبة للجداول تجيك جاهزة وفاضيه ما فيها ولا شى وأنت تعبيها

بالتوفيق يا رب

[ma_alsaif]

للأسف وانا اخوك ما عني اية خلفية عن المادتين بس اتوقع انها راح تكون سهله بس يبيلك تقراها بتركيز اكثر من مره

و اخوي معاك عنده نفس المواد وان شاء الله نتقابل في القاعه وربي يهونها على الجميع

[منحوس فى الجامعة]

ma_alsaif
دام أخوك عليه نظرية التنظيم فقله يركز على الباب الرابع والخامس
لان دكتور المادة قايل للطلاب فى الدورة التأهيلية ركزو على الباب الرابع والخامس

والله يسهل ... أمين