ماليه واستثمار + قانون ؟؟؟ استفسار

[naughty girl]

السلام عليكم ..

عندي استفسارات دورت ومالقيت اي اجابه او شي واضح

حبيت اسالكم هل تخصص ماليه واستثمار موجود عندنا للبنات؟؟لاني ماقد سمعت بنت تدرس تمويل ؟؟

وبالنسبه للقانون الطالبات اللي تخرجو حصلو وظايف بشركات او حصلو مكاتب محاماه وظفتهم؟؟

انتظر ارائكم ومعلوماتكم حول افضل التخصصات للبنات في كلية الاقتصاد والاداره .. مانبغى نتوهق

[susu MIS]

انا حأجآوبك عالسؤال الاول الماليه والاستثمار مافي للبنات دا أكيد

والقانون ما احس انو في بلدنا مكاتب محاماه للبنات دا اللي اعرفو ما ادري اذا فتحو


أفضل تخصص mis نظم معلومات إداريه

ان شالله اكون أفدك

[naughty girl]

خساره مافي تمويل :(

وصحيح كلامك مافي مكاتب محاماه بس ممكن اشتغل في شركه مستشاره قانونيه او اكتب عقود

وبالنسبه ل mis صحيح تخصص قوي بس للاسف مسار من ادارة الاعمال يعني كلها 4 او 5 مواد اللي تخص ال mis حسب ماسمعت من وحده من قريباتي هي حاليا تدرس mis
ويقولو فتحو قسم mis بس لسه تجريبي وان شالله يكونو موجود عالسنه الجايه وقت مانتخصص

ومره تسلمي susu mis يعطيكي العافيه

[محامية المستقبل]

انا بجاوبك عن السؤال الثاني

بالنسبة للبنات اللي تخرجوا من القانون في بنات توظفوا في شركات وبنوك ومكاتب محاماة وبرواتب محترمه جدا

صحيح ان الان مافي تراخيص لممارسة المحاماة بالنسبة للنساء بس على قدام شوي اكيد بيكون في

انا ارى ان المستقبل الان في القانون ... هذا رأيي

الله يوفقك ويفقنا جميييييييييييع

[محامية المستقبل]

لو تبغي ترجيح << ماتوبت بعد خسارة المنتخب

انا اشوف تتخصصي قاون لو فيك شدة للتعب والمذاكرة

[naughty girl]

ههههههههههههههههههههههههههه حصل خير على خسارة المنتخب p: مرره قهر صراحه على اخر بلنتي يضيع التعب كلو ....

وبالنسبه للقانون صحيح كلامك في في الشركات والبنوك بس والله مااتوقع يسمحو بممارسة المحاماه ..والله أعلم باللي يسير في المستقبل المجهول ..!!

ولاتقولي صعب القانون ؟؟ :S
صعب يعني حفظ ويبغالو جرأه ,, او من ناحيه ثانيه ؟؟!!

ومشكوره عالمرور ^^

[loletaaaaa]

اييييييه يبنات ماصدقت على الله انسا
واتاقلم من الخساره اول مره اشوف احد يطير بلنتي يريت مسكها ولا صدها ولا عارضه الا شاطها عالجمهور :@

انا طبعا مع سوسو لانو نظم:d
وحرشح مساري لانو جيد ويجمع بين الكمبيوتر والاداره
والمطلوب الايام دي كمبيوتر وانجليزي
فانتي هنا كانك اخده كمبويتر ساينس مره ممتاز
والقانون كمان روووعه
مااقدر اقلل منو يعني انتي بين
(نظم وانظمه )
وبس غير كده احسها قدمت ومالها المستقبل داكا
واكيد في النهايه الارزاق والوظائف بيد الله :)

[naughty girl]

ايوا صح loletaa النظم حلو ويجمع بين الكمبيوتر والاداره ومطلوب في الوظايف كثير
بس ياارب على وقت مانحط التخصصات يكون موجود قسم خاص لنظم المعلومات لحالو خارج عن ادارة الاعمال

ويعطيكي العافيه ^^

[loletaaaaa]

الله يعافيكي يارب
ياارب ايوا هما اصلا دحين بيسووا اجتماعات وجلسات انو يخرجو عن الاداره والاقتصاد
ويحطو لحالو ويسير نظم معلومات اداريه واقسام مره شي حلو وتسير الشهاده اقوا اكيد
يارب يوفقكم
اهم شي شدو حيلكم وان شالله ربنا يحقق الي نفسكم فيه

[naughty girl]

اميين ياارب الله يسمع منك