ممكن تدخلوا موضوعي عشان عندي استفسار بسيط و اتمنى الاهتمام بالموضوع ..

روتانا السقاف · #1 10-07-2011, 12:40 PM

السلام عليكم ورحمة الله وبركاته

اخواتي انا طالبة منتسبه في جامعة الملك عبدالعزيز
وكان السمستر الي فات اول سمستر ليه في السنة التحضيرية يعني بدأت عالترم الثاني
وانا يمنية ووالدتي سعودية وتصرف لنا مكافاءات مثل السعوديات
ولكن ..
لما ادخل على موقع مكرمة الملك عبد العزيز وادخل رقمي الجامعي والرقم السري
تطلع لي رساله مكتوب فيها ( هذا الموقع لطلاب الانتساب والتعليم عن بعد فقط )
مع العلم ان اختي خلصت السنة التحضيرية وسجلتها بنفسي في موقع المكرمة وقبلوها عادي
لكن لما جيت اسجل لنفسي ماقبلني نهائياً ..
هل السبب لان ماخلصت سنة كاملة يعني ان الملك صرف المكافات للطالبات الي بدأو من بداية السنة
او السبب غير ذلك ؟

و للمعلومية رحت الجامعة وسألت شؤون الطالبات عن المشكلة وقالتلي تراجعي القبول والتسجيل وتسوي تصنيف لان بياناتي ناقصة وقالتلي هذه هي المشكله ..
ورحت مرة ثانية للقبول والتسجيل وكملت بياناتي ورجعت اسجل برضوا نفس المشكلة وبتجيني نفس الرسالة ..

والله يا جماعة اعذروني لكن كل يوم رايحة جاية على الجامعة و ما اقلكم قد ايش مشوار من بيتي للجامعة تقريبا اكثر من ساعة وكل يوم تاكسي وبهدلة على قلة فايدة مرة يقولوا روحي لشوون الطالبات وجيبي اوراق معينة اليوم التاني رحت لشؤون الطالبات وجبت الاوراق الي يبغوها وسوتلي التصنيف رجعت البيت لقيت الوضع مثل ماهو ماتغير فيه شيئ اليوم الثالث برضوا رحتلهم قالوا راجعينا السبت من غير سبب او تعرف المشكلة كاملة يعني مرة مافي اهتمام في الموضوع ولا تقدير بالتعب الي بنشوفوا كل يوم لكن انا ما بشتكي ولا شيئ بس ارجوا منكم مساعدتي رحت الجامعة بنفسي مالقيت حل كتبت مواضيع في المنتدى مالقيت ولا رد واحد

عنيد بس عميد · 10-07-2011, 12:50 PM

حاولي تبحثين عن إيميل عميد القبول والتسجيل أو أي مسؤول أو مسؤولة بالجامعة وتراسلينهم وإن شاء الله تنحل مشكلتك
ولو تقدرين تدخلين على نظام الأوديس وترسلين معاملة إلكترونية للجامعة إن شاء الله تنحل مشكلتك ، والله يعينك الجامعة لازم لها صبر .

روتانا السقاف · 10-07-2011, 12:58 PM

شكرا اخوي جزاك الله الف خير

انا راح اسوي الي قلتلي عليه وبروح كمان بكرة ان شاء الله

و يارب تكون المرة الاخيرة وتنحل

شكرا لك مرة ثانية والله يوفقنا جميعاً