اضافة المواد الحره والاختياريه بالنسبه للطلاب خارج جده

[ايفان]

السلام عليكم ورحمة الله وبركاته

عندي سؤال الله يجزاه خير كل من يرد علي ويعطيني حل
انا طالبه خارج جده وابغى اضيف مواد حره واختياريه لجدولي هذا
المستوى وقالولي لازم اروح قسم الانتساب اذا حابه اضيفها
وانا اخارج جده وعندي دوام وصعب علي اروح جده

فيه طريقه ثانيه اقدر اضيف فيها المواد غير اني اروح للجامعه
تكفون محتاجه مساعدتكم وشكرا

[طال غيابك]

ارسلي معامله الكترونيه برمز الماده ورقمها
انا ارسلت معامله عشان اضافه المشروعات العامه وما اضافو الماده الا بعد عشر ايام
وبالتوفيق

[ايفان]

مشكور على ردك الله جزاك خير

بس كيف اعرف ايش المواد الحره والاختياريه اللي اقدر اختار منها واضيف لجدولي

[ايفان]

حرام عليكم
53 مشاهده شخص واحد اللي رد علي
مو هذا المنتدى مخصص عشان نساعد بعض
اتمنى من جد احد يرد ويساعدني
لاني محتاجه مساعدتكم

[salems]

السلام عليكم

أختي أيفان أنا دخلت الموضوع صدفة وحبيت اساعدك

أدخلي على الرابط هذا

أضغط هنا

وأذا في شي ثاني اقدر اساعدك فيه تقدري تسألي وإن شاء الله نساعدك

[salems]

اتوقع أنتي من دفعة 07 او 08 وبكذا يكون لازم عليك 3 مواد حره

واذا من دفعة 09 عليك مادتين حره

وبالنسبه للمواد الحره فيه كذا ماده سهلة


com204

com205

hist221

[وحدونا]

كل عام وإنت بخير ...
الأخوان ماقصروا معاك ، فعلاً يتم تقديم معامله إلكترونيه برمز ورقم المقرر وإن شاءالله بيضيفوها بس لاتقلقي من التأخير لأنهم مملين شوي بس أنا برضه صار لي الموقف وتم إضافتها .
وهناك فرق بين المواد الحره والإختياريه /
الحره : أي مقرر إنت حاباه من خارج القسم تبعك أو الكليه .

الإختياري :من نفس القسم أو الكليه بحيث يكونوا حاطين بعض المواد ولك حرية الإختيار منها

وطبعاً انت لازم تختاري الأبسط بعد مراجعة المنتدى ومعرفة المناقشات حول المواد حتى تحصلي على معدل يسعادك .

وشكراً ،،،

[lamsah99]

الطالبات مو زي الطلاب

انا حبيت اضيف مواد اختيارية وحرة
لما سويت معامله قالو لازم تراجعي الكلية

وهنا شفت موضوع انه في استاذة اعطت ايميلها للي يبغو يضيفو مواد

وسلامتك ههه

[ايفان]

مشكورين الله يجزاكم الف الف خير
ماقصرتوا فعلا معايه الله يوفقكم دنيا واخره