موضوع بخصوص التحويل الى جامعة الملك فيصل .....؟

[همس الوفا]

بسم الله الرحمن الرحيم



السلام عليكم ورحمة الله وبركاته

اخواني واخواتي

انا طالب منتسب وخلصت من السنة التحضيرية بمعدل 2.40 وتم قبولي بقسم ادارة عامة برابغ

وبحكم ظروفي وبعد المسافة من مدينة الخفجي الى رابغ قررت اني اغير من جامعة الملك عبدالعزيز

الى جامعة الملك فيصل بحكم اني اقدر اختبر في نفس مدينتي .. وبالفعل قدمت في الجامعه وتم

قبولي بقسم ادارة الاعمال .. وبعد بكره ىخر يوم لاستكمال الطلب .....!

اللي ابي اعرفه شلون اشيل الساعات اللي اخذتها في جامعة الملك عبدالعزيز واعادلها بجامعة الملك

فيصل .. تكفوون اللي يعرف الخطوات لايبخل علي .. وآسف على الاطاله

[Dmar]

خذ مشهد من جامعة الملك عبدالعزيز بأنك قد انجزت عدد( ) كذا من الساعات
وهي لقاء الكتب المجدوله .

شكل المشهد :
تشهد جامعة الملك عبدالعزيز بان الطالب : ........................
قد انجز 29 ساعه . للمواد التاليه :
انجليزي 101
انجليزي 102
ثقافه اسلاميه 1
رياضيات
وهكذا تسرد المواد

بعد ذلك تأخذ المشهد وتذهب لمسئولين جامعتك الجديده هناك
وتعرض عليهم مشهدك
وتخبرهم بانك تريد معادلته
من الطبيعي سيرفضون
لانهم يريدون دراهمك 2400 ريال مقابل الترم
(وتراهم ارحم من جامعة الملك عبدالعزيز 3000 ريال الرسوم - ظلم وعدم عدل وعدم مساواه )
المهم تحاول معهم يعادلون لك المواد
اذا ارفضوا اتصل باي قريب لك بالرياض
وقوله يذهب لوزارة المعارف
ويستفسر هل يعادلون المواد ام لا
المهم فيه شيء اسمه معادله
للمواد
انتبه يضيع عمرك تدرس نفس المواد
وانتبه
يوجد موظفون بالجامعه كساااااااااااااااااااالا
ولايريدون الخدمه
من اول ماتطلب منهم المعادله
سيقول لك مافيه معادله
لانه كسلان لايبحث عن قرار المعادله
المهم خلك ذيب

هذا الكلام حسب عرفي وفهمي للنظام
وانت حاول حتى تقنع انك لاتستطيع المعادله

[همس الوفا]

الله يجزاك خير على هالتوضيح الوافي


لكن المشهد اللي تتكلم عنه من وين آخذه ..؟


لاتقولي لازم اجي من الخفجي الى جده عشان هالمشهد ...؟!

[Dmar]

تعال للجامعه اعتبر نفسك متمشي
بجده
وخذ المشهد
ترى ماادري يسمونه مشهد او ايش
لكن هي ورقه تشهد كم امضيت ساعه بالجامعه
لابد تحاول تجي وتاخذها

[aziz8008]

تمر عمادة القبول والتسجيل في جامعة الملك عبدالعزيز وتطلب منهم برنت للسجل الاكاديمي الخاص بك طبعا تاخذه مختوم من الجامعه ومصدق من عندهم ، وتأخذ ايضا وصف للمقررات اللي درستها بالتفصيل وتروح لجامعة الملك فيصل وبناء على خطة جامعه الملك فيصل يعادلون لك الساعات المتوافقه مع خطتهم واللي سبق ان درستها في جامعة الملك عبدالعزيز

(السجل الاكاديمي يوضح جميع المواد اللي اخذتها ودرجاتها في الجامعه )
( وصف المقررات هي وصف دقيق لكل مقرر درسته : اسم المقرر - الفصول المقرره عليك في المقرر )

هذي الطريقه المعتمده في جميع الجامعات للمعادلات ، ولكن كل ذلك يرجع الى جامعه الملك فيصل هل يوجد عندهم نظام للمعادله ام لا ؟؟

وانت لازم تتأكد منهم هل راح يعادلون لك والا لا ؟؟ عشان ماتروح جده وتتعب نفسك واخرتها ماراح يعادل لك ولا ساعه


اتمنى لك كل التوفيق

[nasser_1987]

معلومات استفدت منها
الله يعطيكم العافية
بس ياليت اللي عنده خبر هل يعادلون جامعة الملك فيصل ولا لا
لاني نفس حالتك خلصت السنة التحضيرية
وودي احول لجامعة اخرى

[FLOOOWER]

اهلين اخوي اذا عادلولك بلغنا لاني ودي احول انا كمان ما اقدر على السفر بصراحه جدا صعب علي

[النجم55]

مساء الخير للجميع
انا منتسب بجامعة الملك عبدالعزيز وخلصت السنه التحضيريه وقدمت على جامعة الملك فيصل وقبلوني الترم هذا وكلمت العماده وقالو لي نعادل المواد بس مو اكثر من 15 ساعه والترم الاول عندنا اجباري بدون معادلة اي ماده حتى لو كنت خلصتها بجامعة الملك عبدالعزيز يعني يعادلوني بعد المواد الترم الاول وبحد اعلى 15 ساعه

[المحروم..@]

شوفوا جامعه الملك فييصل حتى في الخفجي فيه اختبار

بصراحـه شيء رائع جدا