اليوم رحت الجامعه وحولوني بس عندي شوية أسئله..

[NeNee]

باركولييييييييييييييييييييي
اليوم رحت الجامعه وتحولت انتظام
بس عندي كم سؤال للبنات اللي جو اليوم واستلمو البطايق وما عملو كشف طبي قبل كدا
اليوم عطوني كشف طبي بس اللي تعمل البطايق قالتلي انها ما تحتاجه عندها وقالولنا أعملوه و ودوه عند شباك 7 حق الوثائق
وحسيت منهم انه مو مره مهم فأبغى أسأل لما جيتوا تستلمو البطايق كانوا مهتمين فيه والا لأ ؟؟؟ وأخذوه منكم والا لأ ؟؟؟؟

بعدين بالنسبه للتخصص متى نقدر نغير؟؟؟

وأنا دحين مكتوب عندي في الأوديوس اقتصاد واداره خطه أ
ايش دا القسم بالضبط
http://economics.kau.edu.sa/.aspx?Si...ng=AR&cid=3018
أفتحو دا الرابط هو نفسه اللي بالأخضر على اليمين والا لأ؟؟؟ واذا تعرفوا أي معلومات عن القسم لا تبخلوا عليا فيها واذا كويس والا لأ؟؟
واخر سؤال ... كيف بالنسبه لبطاقه الصراف ولا أحد جبلنا سيرتها؟؟؟

الله يعافيكم اللي عندها أجوبه لأسئلتي ترد عليا

[@فرفورة الامورة@]

الف مبرووووك
الكشف ما اخدوه

و التخصص اصلا هم شالوه دحين و انا عن نفسي حاروح اول يوم في الدراسة و اتخصص او يمكن ارسل معاملة بس لاني لسه ماني عارفة ايش اتخصص مو مهتمة بالموضوع

و بطاقة الصراف مادري عنها بس حاروح اول يوم و اسال

[NeNee]

يسلمو على الرد فرفر أفدتيني بحكاية الكشف

الله يسعدكم بنات الي عندها جواب على أسئلتي تفيدني

[سحــوره]

الف الف مبروك ياحلوه

وبالنسبه لبطاقة الصراف انا اعرف انو مو دحين يعني تقريبا بعد شهرين من بداية الدراسه

[سحــوره]

وبالنسبه للتخصص حتى انا كلهم قالولي مو شرط تحددي دحين بس انا خفت من بعدين عشان كده اخترت تسويق ..وبعدين لمن تفتح الجامعه كمان يمديني اروح اغير التخصص..

وياريت اللي حابه من الانتظام انها تتخص زيي تفيدني معاها ..

[نملة حامل]

حبيبتي والله بالنسبه للكشف شكلوا مو مهم لان المفروض وثائق المستندات ياخذوه مع الشهاده بس ماأخذوه ومااحد سأل عنه لكن انا عملتوا من العام يعني لو احد احتاجوا راح أخبرك وبالنسبه للتخصص اللي كاتبينه لك انك مو متخصصه ( ادارة واقتصاد خطه أ) لمن تتخصصي يجي جنب اسمك يا ادارة اعمال او اداره عامه او اقتصاد او اقانون او اي قسم من اقسام الادارة والاقتصاد ترى حتى لو اتخصصتي لمن اتحولنا انا اتحذف تخصصي يعني لازم تروحي نفس كليتك وتتخصصي وحبيت اسألك اللي عملوا البطايق اتصوروا عندهم او جابوا صورهم ضررووووي انتظر ردك لانهم قالولي تعالي اليوم وانا بروح بكره اخذها انتظرك اوك

[نملة حامل]

حبيبتي سحوره حتى لو اتخصصتي انتظري 3 ايام بعد التحويل ترى يتحذف التخصص انا اتحذف عندي

[@فرفورة الامورة@]

لا يا نمولة ما تصورنا ولا شي هم حطو نفس الصورة القديمة

[malak H]

مبروووووووووووووووك وعقبال كل البنات

[NeNee]

مشكوووووورين على ردودكم
نمله حامل فرفر ردت عليك وما قصرت حتى أنا لما سألت قالولي نحط الصوره القديمه ولما قلتلهم أبغى أغير الصوره قالولي على راحتك جيبي الصوره الجديده ونحطلك هي