استفسار للي اختبر بحوث العمليات

[محمد الهاجري]

السلام عليكم ورحمة الله

اولا عشر مباركه علي الجميع واسأل الله ان يتقبل صيام الصائمين وقيام القائمين

اخواني عندي كم سؤال حول مادة بحوث العمليات ( pad351 ) للي سبق واختبرها :

1- هل ملخص الاخ حسن الطيار يغني عن الكتاب وشامل للمادة او لا ؟
2- هل المادة تحتاج إلى مدرس او واضحة ( اذا كانت تحتاج مدرس ياليت اللي عنده رقم مدرس جيد في الرياض يفيدنا فيه ) ؟
3 - طبيعة الاسئله في الاختبار كيف كانت طريقتها او اللي عنده نموذج ياليت يفيدنا فيه او يتذكر اي سؤال من الترم الصيفي او اللي قبله , النتائج كيف كانت , مدرس المادة اسمه واسلوبة ؟

طبعا اخواني المادة من اللي تابعته ان كثير شايلين همها , فأكيد اي انسان راح يساهم في اثراء الموضوع بأجابه علي احد التساؤلات او كلها او اضافة معلومه من عنده بيكون ساهم بمساعدة الكثير من طلاب المادة , وكلنا محتاجين دعوة صادقه من اخواننا المسلمين , واسال الله التوفيق للجميع في الدنيا والاخره

[مستشفى]

هلابك اخوي الهاجري امر وش تبي في المادة هذى راح اعطيك المختصر له المادة من اسهل المواد وبدون مبالغة من وجهة نظري وكثير اللي شاركوني في الموضوع في ناس اخذوا 99 بدون مدرس واعرفهم شخصي وفي ناس 98 بنسبة لي 74 واعترف لاني ضيعت في شغلات بسيطة جدا عليك بملخص الاخ الطيار وغيره لا ثم لا المدرس اذا حبيت يشرح لك يكون شرحه من المذكرة وعليك بحل المسائل من المذكرة كتدريب لك في بعض المدرسين الخصوصي يشرح لك من اوارق خاص فيه او من ملخص هاني عرب حق ادارة الاعمال وهذا في اختلاف من ناحية المسائل لان الطيار كل الامثلة من الدكتور الادريسي على كذا تاخذ فكرة عن طريقة الاسئلة المدريسين عند الغزالي في جدة ممتاز بس لازم تاخذ عنده قبل الاختبار باسبوعين وفي الرياض ابو سلوى يجي قبل الاختبارات بثلاث اسابيع جواله0508166131 ممكن في احد ثاني غيره افضل الله اعلم
وان شاء الله لي عودة للموضوع انك ماتشيل هم المادة لان في النهاية المادة مثل اي مواد اللي تنزل في منتدى املخصات والاسئلة
دعواتك اخوي لي ولك وللجميع

[محمد الهاجري]

الله يعطيك العافيه اخوي مستشفى وتسلم علي المعلومات القيمه مشكور وماقصرت وكتبها الله في موازين اعمالك , تقبل تحياتي

[ثامر *]

السلام عليكم ورحمه الله وبركاته

اختبرت الماده العام الماضي الترم الثاني (ورسبت فيها وياكثر اللي رسبو )
اسئله ما ادري وشتبي (ماودي اتحسب على احد)

سؤال السمبلكس / جاب لنا مقال موب سؤال والمطلوب تطلع المعادله وترسم الجدول وتحله وتطلع الداخل والخارج

سؤال عن النقل / المشكله التصحيح بطريقة التوزيع ( عجزت افهمه )

سؤال بيرت / ملغم وفيه خدعه ماتكتشفها لضيق الوقت

مابي اضيق صدرك لاكني منغبن إلى اليوم
عالعموم اسئلة الصيفي غير لاتتوقع بيجي زيها ابد
الادريسي استعرض علينا بشكل موب طبيعي
يالله عسانا نعديها الترم اللي جاي يارب

[د/كيف]

ارررررحب ياخزنة الظفر

الماده تحتاج مدرس

وللضروره بعد

ولاهي بسهله

انا اختبرتها بس قبل سنتين يمكن والله اني ناسي مضمونها بالضبط

بس الوكاد انها معقدهـ

وتحتاج لمدرس

رغم مذاكرتي جبت 60 وحبيت يدي مقلوبه

انا ماني بمبالغ بكلامي

لكن انت طلبت راينا وهذا رايي بصراحه


بالتوفيق وشد حيلك

[محمد الهاجري]

الاخ ثامر والاخ د كيف كلامكم يضيق الصدر والله بس الله يعين , عموما ماقصرتوا علي الافاده والله يعييننا جميع ونعديها , عموما اشوف مواضيع اللي اختبروا صيفي يمدحونها واللي اختبروا الترم الثاني 1431 يذمووون ولادري وش الوضع .

عموما للاخوان جميع اللي عنده اي معلومه حتى لو يشوف انها مو مهمه ممكن تكون لغيره مهمه اتمنى التفاعل من الجميع عشان تعم الفايده

[Hard 2 Reach]

اسمع يا محزمي وعصابة راسي

الماده خذها عند ابو سلوى بالرياض يجي قبل الاختبارات ب3 اسابيع وعلى مسئوليتي تعدي وتحل وانت مرتاح وبعد كل درس يعطيك اياه رح على ملخص حسان الطيار وحل مسائل على الدرس وجبها لابو سلوى يصححها لك

وبكذا ان شاء الله تجيب درجه في العلالي لان الماده والله لذيذه ومو صعبه لكن الناس معطيتها اكبر من حجمها فنشيل همها

اهم شي تتعود تحل المسائل بكثره عشان ما تخسر وقت كثير بالاختبار والسلام خير ختام

[محمد الهاجري]

لا هنت يا هارد جعلك ذخر , بس اسدح رقم ابو سلوى يالفلاحي وبيض الله وجهك

[Hard 2 Reach]

ابشر بعزك رقمه موجود في رد اخوي مستشفى السابق

والله بوفقنا وياك دنيا واخره

[فهد العنزان]

شكراً للجميع التوضيح والإفادة