اليوم قفلوا التخصصات وامس كانت مفتوحه ليش؟؟

[دلوعة الخليج]

السلام عليكم ورحمة الله وبركاته
امس دخلت الاودس لقيت التخصصات مفتوحه لبنت اختي تلاته وهي
تسويق
موارد بشريه
تنظيم وتطوير اداري
دقيت على بنت اختي الله يهديها عشاان اسئلها ايش اخترلها تخصص
بس الله يهديها ماردت ,,المهم دخلت اليوم عشان اخترلها موارد بشريه زي ماتبغى
مالقيت الى تخصص واحد تنظيم وتطوير اداري
بالله امس يفكوا التخصصات واليوم يقفلوها ويخلوا واحد
بالله ايش دي المهزله والناس الي ماعندها نت وبتفتح متاخر ايش تسوي بالله
حرام عليهم المفروض يخلونها مفتوحه اقل شئ اسبوع مو كذا في يوم وليلة تقفل
وقسم بالله ظلم ..انا انشااد عميد القبول والتسجيل
عسى ان يساعدنا في هذا الموضوع وراح ارسله رساله على ايميله عشاان يرجعوا التخصصات
والي ما اختار يرجع يختار والله يسهل كل أمور الطلبة والطالبات
ادعولي انا ابغى احول انتظام بعدين بتخصص
ومبروك على الي اختاروا تخصصاتهم من امس

[نور]

وعليكم السلام
حتى انا لقيتهم بس حاطين التنظيم والتطوير خلاص اخترتوا لانو انا كنت محتااره بين الاثنين التنظيم والتطوير والموارد البشريه كلهم حلوين والخيره فيما اختااره الله

[انثى لامثيل لها]

وانا بعد نفس الحاله .. كانت متاحه لي التخصصات .. واخترت البارح موارد بشريه
رجعت شيكت اليوم لقييييت انهم حاذفين اختياااري ومخلين لي بس تنظيم وتطوير اداررري
وانا لووو ايششش مادخلته لذلك بخليه زي ماهو واذا حولت انتظام بختار يانظم معلومات يامحاسبه ..
وبالتوفيق للجميع ..

[*زهرة السوسن*]

حتى أنا نفس الكلام ...

[أنثا خراافيه]

بس التخصصات اللي حذفوها حق اداره الاعمال
انتي اش مختارين اداره عامه ولااعمال؟؟

[الرمش الغيور]

طيب انتو اول لما خيروننا بين ادارة عامة وادارة اعمال في رابغ ايش اخترتوو

اتوقع الي اختار ادراة عامه ماعندو مجال غير تنظيم وتطوير
والي اختارت ادارة اعمال عندها ال3 تخصصات الباقيه

بس امس كانت في لخبطة وحطوو حق ادارة اعمال مع ادارة عامه

[دروب الحياة]

شالوا تخصصات الادارة الاعمال لانها تبع كلية رابغ

طيب ليش حطين تخصص واحد تنظيم وتطوير للادارة العامة ؟؟؟

[*زهرة السوسن*]

أنا مختارة إدارة عامة...
البنات الي مختارين إدارة أعمال فتح معاهم ولا لا؟؟؟ وإيش حاطين لهم؟؟؟

[نور]

مدري عنهم شكلوا ملخبطين او على حسب الاماكن الشاغره

[الحب همسة]

والله اش اللخبطة هذه انا مختارة من اول ادارة عامة وامس فتح معاي 4 اقسام ولسة انا استخير وعلى اساس اختار تسويق الا ما الاقي غير تنظيم اداري
والله ما اعرف اش اسوي والله افكر اني احول اداب وادخل انجليزي هذا اذا مسموح اصلا