استفســـارات في التسجيل ساعدوني قبل لا يخلص التسجيل الله يعافيكم

[ابو القمر]

السلام عليكم ورحمة الله وبركاته...

اخواني عندي عدة استفسارات عشان أكمل تسجيلي :
1- الشهادة الثانوية عندي فيها ختم واحد مكتوب فيه (وزارة التربية والتعليم،،،الإدارة العامة للتربية والتعليم بمنطقة الرياض بنين،،،،ثم شعار الوزارة ومكتوب عليه الاختبارات،،،،وتحت مكتوب إدارة الاختبارات والقبول) سؤالي هل تعتبر شهادتي مصدقة من الوزارة؟ وإلا لازم يكون على شهادتي ختمين ؟؟

2- عند تعبئة النموذج وعند فقرة المجموع الكلي للدرجات، لم أفهم المطلوب ومدري وش أكتب.. علماً أن مجموعي الكلي للدرجة الموزونة لشهادتي هي 1932 ومعدل الصف الثالث 84% ومعدل تراكمي العام 84%، وش اكتب في المجموع الكلي للدرجة؟

3- من ضمن المستندات المطلوبة:
- تعهد جامعة بلا تدخين المطبوع من الانترنت .
- تعهد الالتحاق ببرنامج الانتساب المطبوع من الانترنت .
من وين أجيبهم؟
ساعدوني الله يساعدكم وجزاكم الله خير

[المميــــز]

بالنسبه لسؤالك الاول
المطلوب تصديقه هو صورة الشهاده وليس الشهاده الاصليه يعني تروح للتعليم ومعاك اكثر من صوره للشهاده بالاضافه للاصل
ويختمون على الصوره بختم مكتوب فيه طبق الاصل فقط
بالنسبه لسؤالك الثاني
ا تجمع مجموع الدرجات كامله وتحطه في المجموع الكلي لدرجت الثانويه
وتجمع ماحصلت عليه انت وتحطه في مجموع درجات الطالب

[المميــــز]

سوالك الثالث
اذا خلصت التسجيل يجيك طباعه تسوي طباعه ويطبع لك تلقائيا كل الاوراق وعددها خمس ورقات
واذا ماعندك طابعه الحين تحفظ رقم الطلب اللي بيطلع لك وتحفظ الرقم السري
وتروح لجهاز في طابعه وتدخل على رابط التسجيل ومن ضمن الخيارات طباعة تضغط عليها وتدخل رقم الطلب والرقم السري
وتسوي طباعه
بالتوفيق

[ابو القمر]

جزاك الله خير أخي المميز الله لا يحرمك الأجر..
بالنسبة للمجموع الكلي يعني تقصد الدرجة الموزونة ولا المجموع المفروض اللي حاصل عليه، يعني أخلي جميع درجات المواد 100 بعدين أجمعها ولا إيش؟

[رجه بس وقت الجد رزه]

ماشاء الله مميز ماقصر كان ودي اجاوبك بس مميز كفى وزااد

ترا الي قاله ميه ميه =)

وعلى المجموع الكلي ترا تلاقينه بشهاده الثانويه مكتوب مجموع درجات الطالب .

[ابو القمر]

أختي رجه بس وقت الجد رزه..
مو مكتوب عندي مجموع درجات الطالب
اللي مكتوب المجموع الكلي للدرجة الموزونة هل هذه مجموع درجات الطالب ولا إيش؟؟

[المميــــز]

فيه طريقه اشوف الاخوان يسوونها ولا ادري عن صحتها
حطي الفراغ الاول 1000
والفراغ الثاني حطي نسبتك
مثلا 840 اذا نسبتك 84 واذا فيها كسر مثلا 84.90 حطيها 849

[ابو القمر]

أبي طريقة جمع الدرجات
يصلح اني اخلي جميع الدرجات في المواد 100 ثم اجمعها والنتيجة تكووون هي المجموع الكلي؟
ثم اجمع الدرجات اللي انا حصلت عليها واكتبها عند مجموع الطالب،،
بعدين الدرجة الموزونة اجمع درجاتها وإلا لا ؟

والله ماني فااهم من العصر وانا احووووس
ساعدوني الله يساعدكم ويجزاكم الفردوووووووووووووس

[المميــــز]

انت شهادتك جديده من حقين الدرجه الموزونه
والا قديمه فقط المجموع الكلي للثانويه ومجموع درجات الطالب اذا هذه عادي تجمع جمع عادي
واذا شهادتك جديده
حط في الفراغ الاول 1000 والفراغ الثاني حط نسبتك مثلا 84.99 تحط 849
وتطلع لك النتيجه بالتوفيق

[ابو القمر]

شهادتي جديدة
يعني ان شاء الله الطريقة مضمونة انها صح
نسبتي84،00
يعني اكتبها 840
معليش تحملني
والله يجزاك خير