اذا لم اسداد رسوم الدخول الى اختبار المناطق ماذا يحدث؟

[The Lord]

بسم الله الرحمن الرحيم


ياخوان انا ابغى استفسر عن اذا ماسددت رسوم دخول اختبار المناطق الـ 1000 ريال.

وذلك لوجود ظروف صعبه عندي الكم شهر هذولا!!

هل ماقدر ادخل الاختبار؟

هل تعتقدون يردوني عن الاختبار ولا ماينزلون درجاتي؟

بس العجيب ان الترم الاول انا معي ايصال السداد ولا احد طلبه مني!!

انا ماعندي مشكله ودي اسددهم بس الكم شهر هذولا مزنوق مره علي التزامات كان لازم اسددتها!!

وزياده على الرسوم ايجار شقه في الرياض فترة الاختبارات يعني الزنقه مدبله!!


ارجو من اللي عنده الجواب الاكيد يفيدني وشكراَ

[أبوجنى]

أخوي the lord على حسب علمي إنه إذا ماسددت راح يكون إختبارك في جدة وراح تتكلف أكثر من 1000 ريال وهذا كله حق تذكرة سكن مواصلات أكل وإنت رايح .. سدد ال1000 ريال ووفر على عمرك وريح بالك .....

[The Lord]

مشكور اخوي ابو جنى

انا والله ودي اسددهم ماني رافض بس الشهرين ذولي مزنوق على الاخر

يعني ياسدد الرسوم ياطنش الاقساط

ومثلك عارف الديانه ماترحم

[أبوجنى]

والله وأنا أخوك عندنا وعندك خير ... والله يفرجها علينا وعليك .. عليك بالإستغفار وكثر الدعاء والله يسهلها إن شاء الله .

[@@ النادر @@]

الله يكوووووون بلعووون