سؤال ياخوان عن مواد كانت نازله لي at

[THE EXPLORER]

السلام عليكم ورحمة الله وبركاته اخواني انا عندي ما دتين مو الترم الي راح ....... اللي قبله لم احضر اختبارها بسبب ظروف طارئه .... وحصلت نتيجتها من خلال كشف الدرجات at لكني لم استطع الاختبار في الترم اللي بعده وحذفت الترم اللي راح .... والان نزلي الجدول ومن ضمنه المادتين ... ولازات في كشف الدرجات at

لو تكرمتو عليه ياخوان ....

1- اول شي والله ما ني فاهم معنى الاختبار البديل ووش الفائده منه ومدى تاثيره على المعدل . ياليت احد الاخوان يشرحها رغم اني بحثت في قوقل علشان لا ابلشكم معي لاكن من دون فائده ..

2- هل لازال الباب مفتوح لاختبار البديل الترم هذا رغم اني حذفت الترم اللي راح وانا اشوف في الشروط انه لازم تختبر الترم اللي بعده مباشرة

3- لو خليت الامور زي ما هيه لان المادتين نازله معي في جدول الترم هذا وفي الاختبار اكتب اختبار بديل ويش رايكم يحتسب لي اختبار بديل ولا لازم الاختبار البديل يكون خارج الجدول وزايد عليه

شوركم ياخوان تكفون تروني من جنبها في الامور هذه ولا نستغني عن فزعتكم لا عدمناكم وخصوصا اخونا العلم والعالم ,,,,,,

[العلم والعالم]

إختبار البديل يكون للمادة التي غبت عنها لعذر

وأي مادة لها إختبار بديل يجب حذفها من الجدول وتحضر الإختبارات بدون أن تكون المادة مضافه في الجدول

ولو حضرت الإختبار والمواد مضافة بالجدول فلن تستفيد من الإختبار البديل ويؤثر على المعدل

ومثل ما قلت إختبار البديل يجب يكون في الترم اللي بعده مباشرة لكن أنت حذفت ترم ولا أعلم هل يؤثر ذلك أم لا


لكن النصيحة هي أن تحذف المواد التي لها إختبار بديل من جدولكـ الدراسي الحالي وفي الإختبارات القادمة تحضر إختبار هذه المواد في مواعيدها وتختبرها وتسجل إختبار بديل على ورقة الإجابة وإن شاء الله تمشي إمورك

وأي مادة لها إختبار بديل لن ثؤثر في المعدل وبديل تعني إعادة وهي أعادة الإختبار لك دون أن يحسب عليكـ الغياب

[THE EXPLORER]

بيض الله وجهك اخوي العلم والعالم ولا عدمناك ان شاء الله وجزاك الله كل خير اجابه كافيه وافيه

لاكن ... وانا خوك ودي اتاكد هل لازال في امكانية اني اختبر بديل ولالا .... لان مثلك عارف مادتين بتضغطني في المذاكره على الجدول الي عندي وياخوفي ... انها تاثر على نتيجة المواد الي نازله في الجدول ولا تحتسب اختبار بديل


وانا خوك ما فيه طريقة اعرف فيها واتاكد هل اقدر اختبر ولالا ...... رقم الدكتور جهه معينه اي شي ... لاهنت

المواد هي / علم النفس الاجتماعي
و / النظريات الاجتماعيه

[العلم والعالم]

أرسل معاملة إلكترونية

وبين أنك أعتذرت عن الفصل بعد الحصول على إختبار بديل

[THE EXPLORER]

لاهنت اخوي بيض الله وجهك

[لايت مون]

ماعندي معلومات الله يساعدك