طفشانة مـــــــن كلية الإدارة والإقتصاد

[فراشة الألماس]

السلام عليكم ورحمة الله وبركاته
أحس إني راح أمرض لـــو مادة الإحصاء بتكون وراي في كل مستوى
اللي يعرف مسار مافيه رياضيااااات يقوله علشان أختاره ؟؟؟؟؟؟؟؟
ومصيبة لو كل المسارات فيها رياضيات لو صحيح بإذن الله أحول مره وحده لكلية الآداب أظن ماعندهم رياضيات
اللي عنده فكره عن التحويل هل يشمل الإنتساب بحيث إني أستطيع أحول لكلية الآداب؟
وإذا الإجابه >>>نعم......... أعيد من جديد سنة كامله وأبدأ من جديد؟؟؟؟؟؟؟؟؟
اللــــــــــي يعرف يرد على أقل من مهله

[حماده909]

مرحبا يا فراشة الالماس
اول شي لا تخلى مادة تعرقل مسيرتك في الدراسة
وبعدين كلية الاقتصاد والادارة افضل من الاداب مستقبلاً
وبعدين حتى في كلية الاداب عندهم احصاء ومستويين كمان مو واحد
يعنى شيلي من راسك فكرة النقل
وسمي بالله وذاكرى تمام وبتركيز وانشاء الله راح تنجحي
على فكره انا اول سمستر حملت معايا الاحصاء وقلت زيك ابغى اسحب ملفى بلا جامعه بلا خرابيط
لكن اصريت على انى اكمل بعد تفكير في وضعى الآن ووضعي انشاء الله بعد ماخلص جامعه
في فرق
انا الحين مو ناقصني شي موظف ومرتاح وكل شي بس الانسان يسعى للأفضل
اسمعي كلامي
لا يجيكي يوم تندمي على قرار تتخذيه ساعه غضب ولا قهر
اصبري وراح تنجحي
مع تحياتي ،،،

[فراشة الألماس]

طيب مشكووور ياحمـــاده دام فيها مستويين ماراح احول بس والله المادة تجيب مرض السكر
معقووول كل المسارات فيها هذه المادة؟؟ المشكله انه ماراح نستفسد منها لو توظفنا لأن الكمبيوتر يخلص الحسابات والشغلات هذه بسرعه بدل ما نقعد نضيع وقت...
أنا بصراحه الماده هذه بالذات أذاكرها ولما تجي ورقة الإختبار أسطــل ويجيني غبااء ومااعرف أحل
السمستر هذا البنات يقولون إن الأسئلة جات مره سهله ======> وأنا أتعب أكثر نموذجي كان (أ) ومدري هو سهل والا صعب لأني صرت اشوف اللي مكتوب شي جديد ماعمري قرأته
الله يعين ويوفق الجميع ويخليني من العباقرة يارب

[ممدوح القفيعى]

هلابك فى كليه الاداب والعلوم الانسانيه
وخاصه تاريخ تعالى وان شاء الله انك تخلصى الجامعه بسنتين
من سهل مواد التاريخ وصعوبه مدرسينها ولا المدرسات مدرى عنهم

[ولد نجد]

معليه مالها إلا بناتها

شدي حيلك والمواد هذي تفتح المخ شوي وتحرك خلايا المخيخ الأيمن والأيسر وتزيد من معدل الذكاء شوي وعاد أنتم يالبنات ماشاء الله عليكم أذكى منكم مافيه

والقرار الأخير بيدك

الله يوفقك إن شاء الله

[فراشة الألماس]

هلابك فى كليه الاداب والعلوم الانسانيه وخاصه تاريخ تعالى وان شاء الله انك تخلصى الجامعه بسنتين من سهل مواد التاريخ وصعوبه مدرسينها ولا المدرسات مدرى عنهم

قلت خلاص ماراح احول دام عندكم مستويين رياضيات

البنات أذكياااء

اي صح الذكاء عندي خارق من قوته أشوف السهل صعب

[السروري]

أختي فراشة الألماس تبين الحقيقية أنتي ماذاكرتي كويس والله العظيم إنها سهلة بس ركزي ولايتشتت فكرك حاولي مرة أخرى الهمة الهمة ترى إدارة وإقتصاد ماتتفوت الطلاب هربانين من الأداب ويتمنون الإدارة والإقتصاد .

نصيحتي لك : لازم تحضرين الدورة التأهيلية بتركيز مفعم . الله يوفقك إن شاء الله . لايأس مع الحياة دام الحياة تمشي

[somaa]

هلا اختي فراشه
انا مثلك اعاني من الاحصاء اللعين هذا لكن مافكرت ابدا اني احول اداب لان مستقبل الاداره افضل بكثيييييييييييييييير من الاداب ان شاء الله
على قولتك اجلس اذاكر الاحصاء واخذ كمان دروس خصوصيه ووقت الاختبار اشوف الاسئله كنه منهج جديد وللاسف ماااعرف احل وللاسف الشديد اتوقع اني احمل الماده لكن الله يعين ويعديها على خير
شدي حيلك والله يوفقك

[m....m]

ربنا يوفقك الجميع ان شاء الله
ومايضيع تعبك ان شاء الله وشدي حيلك

[-->أملي بالله<--]

أختي .. إذا شايفه نفسك ما انتي قادره تكملين بالإقتصاد و الإداره
وميولك للآداب فحولي أفضل لك .. بدل ما تضيعين نفسك في مسار ما يعجبك وما تبدعين و ترتاحين فيه ..
و يكون معدلك نازل و بعدين تلومين نفسك ..

مجرد نصيحه :) و لك الشور استخيري وربي يسهل لك الي فيه الخير لك