اليوبي: القاعات الدراسية والمرافق التعليمية جاهزة لاستقبال طلاب الجامعة

[dail]

ok أنا راح أداوم بس بشرط تقولوا لمدير الجامعه اذا نزلت أمطار وأنا بالجامعه وما قدرت أنزل لاهلي يستقبلني في بيتو...لانو مستحيل انزل لبيتي راح يكون الخط مقفل ....

[طلال الغامدي]

شي طبيعي يقول كذا حاليا عشان لا يثير البلبلة والفزع ...والله أنكم شعب مدلع مع إحترااامي للجميع ... الناس شغالة 24 ساعة يحاولوا يعدلوا في المباني عشان الطلاب .. وفعلا جزاهم الله خير .. أصلا إحنا شعب مو حق دراسة بصراااحة .. هو صحيح الخوف الأكبر من ناحية الطريق مدري كيف حيسير لأنو كوبري الجامعة نفسو طاح .. ومدري كيف من جهة السليمانية الوضع .. عموما شي طبيعي الخبر ولازم يقول كذا ما يحتاج ندعي عــ الناس ونسب فيهم وهما شغالين لمصلحتنا .. ولو فيه تأجيل مستحيل ينشر الخبر الآن .. سلام عليكم وسامحوني للأسلوب لكن مو كويس الواحد يدعي على أخوه المسلم مهما حصل .........

[ليوناردو]

طلال الغامدي ,, لا يكثرررر ,, وحسن أسلوبك
شكلك ساكن بعيد عن جدة أو في منطقة ما تضررت ,, تعال جنوب جدة و أنا أوريك المصايب اللي صارت
بعدين في الدول الاجنبية اذا توقع أن هناك أمطار على طول يتم أعتماد أجازة ولكن عندنا لازم الفاس تطيح في الراس

[طلال الغامدي]

ليوناردو .. سوري حبيب ألبي جدا جدا عــ الأسلوب ومعاك حق وعـــ فكرة أنا ساكن في كوبري بريمان يعني لو كنت عارف جدة كويس حتعرف أنا قريب من المشاكل ولا لأ :) .. لكن أخالفك في الرأي مع إحترامي لرأيك .... أنا أنفعلت عشان السب في اليوبي والطيب كأنهم هما المسؤولين عن النكبة كلها .. أصلا أصلا مو من حق الوكيل ولا العميد أبدا أبدا أنهم يأجلوا الدراسة أبدااا .. التأجيل لو جاء حيجي من فووووق ... والجماعة سووا اللي عليهم بصراحة أشتغلوا وسووا اللي عليهم من ناحية محاولة إصلاح الأضرار وجزاهم الله خير.. وكمية الأمطااار مالها أي صلاح بللي سار اللي سار كله من الجشع والإهمال من البلدية وأمانة جدة وإنتوا فاهمين قصدي .. وأنا شخصيا شايف الدراسة كيف دول براا وعمرها ما تتأجل عشان مطر!! وأصلا كمية أمطار جدة تنزل على دول كثيرة بشكل شبه يومي وما عندهم أي مشاكل .. آسف مراا ثانية على الأسلوب للجميع

[قصّة]

طلال:المقارنة بين جدة والدول الاخرى أجزم بأنها غير صحيحة جدة الى هذه اللحظة ونحن لانستطيع أن نمارس طقوسناالتي اعتدنا عليها فالأمس توقعت أن الاجواء قد استقرت لكن للاسف وكأنها الكارثة ولدت بالأمس وتسببت بغرق السيارة والعودة بأطفالنا ووجوهم ارتسم عليها الانكسار والموقع الذي وقع الحدث بطريق الجامعة ..,والدول الاخرى تداركت الأمر حيثُ أنا الأمطار تتساقط عليها مُعظم السنة ولم تشهد مثل هذه الكوارث والسبب وجود صرفات المياه!
أمّـا ماصرّح به من قبل اليوبي فالشكر موجهه لهم أولا واخيراً فالجهود التي بُذلت منهم لاتستحق غيرالثناء ألاأنني أُعارض هذا القرار والسبب قد ذُكر بالأعلى فقد تولدت لدينا "فوبيا الأمطار"..
أقلّها اليومين القادمه "السبت والأحد"..

[طلال الغامدي]

كلامك صحيح أخوية .. قصة .. واللي حصل مهو سهل فعلا .. لكن لا تنسى لا اليوبي ولا الطيب لهم صلاحية بالتأجيل .. فــ تصريحه أنو الدراسة لم تتأجل صحيح جدا وفي محله وهو أكثر شي يقدر عليه في الوقت الحالي .. وأنا معاك أنو الدراسة يجب تأجيلها أسبوع على الأقل خصوصا إذا كان الطريق وكوبري الجامعة تحديدا لأنه أتضرر بالسيارات وقت السيل .. لكن أكرر التأجيل ليس بيد اليوبي ولا الطيب وكل اللي يقدرواعليه حاليا تطمين الطلاب على الجامعة.

[ودق]

أمطار الجمعه تحكمنا


ننتظر للجمعه ونشوف نداوم أولا


واللي الله كاتبه بيصير

يسلمووو عالخبر

[Dr.Kado0oSh]

ايوه ايوه استمرررررررررر ياليوبي باشـآ


دحين دآ صـآآآحي ولآ كيف ؟!

يقولك شعارنا الطـآلب اولآ ومهتملي بالتقويم الجـآمعيٍ

و ديني شكلوٍ حيشوووف طلاب وطالبات الجامعه كلهم مهبقين


اقلكم نسسسوي مظـآهرآآت



اقلك ياليوبي انتـآآ انا وربي بجي من المدينه وابغا ادووام وديني لو شفت شيء غلط ولآ نزلت مطره لآ اخدك زي الزلاجه واتزلج فيك انتا وصاحبك الطيب دآ

[علي ابراهيم]

الله يستر من الجاي

الله يعين الجميع

[عاشقة المستحيل]

على خير ...

اذا عشنا نجيكم

!!!