أنا في ورطة كبيرة.. إذا لها حل أفيدوني

[كبرياء أنثـى]

السلام عليكم...

تحية طيبة لجميع الطلاب والطالبات..

أنا طالبة آداب.. تخصص علم نفس..

وصار لي بالجامعة 5 سنوات..
المهم.. باقي لي 7 مواد.. وأتأخرج..

يعني كان قدروا يعطوني هي في هذا المستوى..

لاكنهم أدوني بس 3 مواد..

والسبب: كل المواد الباقي لها متطلب .. ومتطلبها هو..( القياس النفسي ) وأنا أخذتة هذا الترم..

وبعدة مناهج البحث في علم النفس..
وبعدها.. التدريب الميداني 1
وبعدين التدريب الميداني 2

ولما جيت أنزل مناهج البحث رفض.. يقول لا تستطيع أن تجمع بين المادة ومتطلبها..

وعلى كذا.. راح آخذ مناهج البحث المستوى الجاي..
والميداني 1 المستوى اللي بعد الجاي
والميداني 2 آخر مستوى..

مو حرام أدرس سنة كاملة عشان مادة في كل مستوى..
وبكذا راح يصير لي 7 سنوات في الجامعة..

لو في حل قولوا لي؟؟ أروح عند مين.. أكلم من؟؟

[ضيدان]

الله يكون بعونك

لكن تجربتك راح تنفعنا وراح نحتاط من هذا الموقف ان شاء الله

واتمنى تلقين من يفيدك وأعضاء المنتدى اكيد ما يقصرون

بالتوفيق

[ولد الشيوخ]

كبرياء انثى راجعي الجامعه يعطونك باقي المواد كلها لا ن الخريج له معامله خاصه حتى لو باقي لك مواد لها تطلب عادي

[مـتـفـائـل]

الله يعينك بس اللي اعرفه هذا نظام جميع الجامعات ما تقدر تجمع بين الماده ومتطلبها في ترم واحد ..

بس ممكن يكون فيه استثناء والله يسهل لك امورك ومافيه شي بعيد عن الله ادعيه و تتسهل

[كبرياء أنثـى]

شكرا على ردودكم..

ودراستي راح تبدأ يوم السبت..

بس إذا راح يكون فيها إستثناء.. لازم أراجعهم..

والله إني محبطة.. جدا جدا

[جريح الزمان]

مافي داعي للاحباط ..

ان شاء الله تحصلي مخرج واكيد الخريج له معاملة خاصة .. بس راجعيهم ووضح لهم وضعك وان شاء الله تحصلي كل خير ..

بالتوفيق ..