ارجو الافاده بخصوص دورات السنترا

[Baro0 Felembo0]

السلام عليكم

حبيت اسال هيا المحاضرات بدات عالسنترا ولا كيف؟

لاني حاولت ادخل مو راضي يفتح معايا

وهل لازم نسجل فيه ولا يروح علينا ولا ايش السالفه

لاني السمستر اللي فات ما رضي يدخلني وحست حوسه مايعلم فيها الا رب العباد عشان احاول اجيب المحاضرات وللاسف ما قدرت احصل عليها كلها

ومابغا نفس الغلط يتكرر معايا

وانا طالبة تخرج وعندي مادة وحده بس اللي هيا مناهج البحث 331 مع الاستاذ الجميل عمر باقبص وطالما انا معاه ان شاءالله مافي اي خوف
وعشان هدي الماده بالذات لازم اكون خطوه بخطوه مع الدكتور ومابغا شي يضيع مني

ياريت احد يفيدني الله يسعدكم لا تكون فاتتني

[white rose]

وعليكم السلام ورحمة الله وبركاته

حياك الله اختي

والمحاضرات بدات من تاريخ 16-4 هجري

احتمال لان الرابط اللي بتدخلي منو خاطئ جربي تدخلي من هالرابط : هنــــآ

وهنا تلاقي زميلاتك يكتبو اخبار المواد :
~¤ô نقل أخبار دورة طآلبآت الانتساب - الترم الثاني 2014 ô¤~




وحاولي تدخلين من متصفح جوجل كروم او اكسلبولر الاخير وباول مربع تكتبي رقمك الجامعي والمربع الثاني تكتبي رقمك السري بالاودس واذا ما فتح اكتبي رقم هويتك بدون اول رقم من اليسار

الله يوفقك ويتمم لك تخرجك على خير :-)

[Baro0 Felembo0]

دخلت وجربت كله مو راضي يفتح معايا نقس الشي بيقلي خطا

ولما ادخل من الاوديوس عشان اسجل بالسنترا بيقلي مافي دورات

ياااااربيييي ايش النظام الخايس دااا

يعني خلاص اجلس كدا واشوف كل شي يضيع قدامي واتقبل الامر الواقع نفس السمسترات اللي قبل

[white rose]

المشاركة الأصلية كتبت بواسطة baro0 felembo0 دخلت وجربت كله مو راضي يفتح معايا نقس الشي بيقلي خطا ولما ادخل من الاوديوس عشان اسجل بالسنترا بيقلي مافي دورات ياااااربيييي ايش النظام الخايس دااا يعني خلاص اجلس كدا واشوف كل شي يضيع قدامي واتقبل الامر الواقع نفس السمسترات اللي قبل

حياك الله اختي

كلمي مس نسرين بخاري باتصال منك هذا رقمها:
0126400000

تحويلة نسرين بخاري 26717

هيا راح تساعدك بإذن الله الله يسخر لك كل خير وابد لا تسكتي دوري حل للمشكلة الين تتضبط السنترا لك

الله يوفقك :-)