سؤال بخصوص اماكن التدريب العملي-2 lane 643 [ عنوان مُعدل ]

[Baro0 Felembo0]

السلام عليكم

حبيت اسئل البنات اللي سبق وخلصوا التدريب العملي-2 lane 463

ايش افضل مكان للتدريب غير المدارس
لان كل ما اروح مدرسه يقولولي المشرفه مافي والمديره مدري ايش فيها ونردلك بعد كم يوم وانا صراحه مره ماعندي وقت كلو محسوب عليا

فياريت اللي تعرف شي غير المدارس وبـ إيش تنصحوني وراح ادعيلكم


انتظركم

[ѕυрзя пıdσ]

دكتورة سوزان مرة متساهله كانت الله يسعدها
وقالت حتى لو تحفيظ القران اوكي بس اهم شي تدرسي اي مادة انجلش
كمان المستشفيات و الشركات وعندك برضو معاهد الانجلش نيوهورايزن و اكسفورد ووو
وحدة قالتلها انها حتتدرب في خدمة عملاء في شركة وقالتلها اوكي
لو انها حتستخدم اللغه الانجليزية
عندك خيارات كتيرة و الله يوفقك يارب

[whiteswan]

انا مثلك والله رحت للمعهد وقالو ما في تدريب اليوم .. اظن سمعتها تقول فيه تدريب داخل الجامعة بجرب اروح ان شاء الله. الله ييسر لنا الامور ونتخرج على خيريارب.

[ѕυрзя пıdσ]

ايوا نسيت وفي برضو في الجامعة في المكتبة المركزية

[Baro0 Felembo0]

المشاركة الأصلية كتبت بواسطة ѕυрзя пıdσ دكتورة سوزان مرة متساهله كانت الله يسعدها وقالت حتى لو تحفيظ القران اوكي بس اهم شي تدرسي اي مادة انجلش كمان المستشفيات و الشركات وعندك برضو معاهد الانجلش نيوهورايزن و اكسفورد ووو وحدة قالتلها انها حتتدرب في خدمة عملاء في شركة وقالتلها اوكي لو انها حتستخدم اللغه الانجليزية عندك خيارات كتيرة و الله يوفقك يارب

والله دكتوره سوزان مرره ماافادتني بشي وليا شهر بروح عندها وكل ما اروح ماتفيدني بايش اعمل وتصرخ فيا
واخر مره لما رحت قابلت بنت برا الله يسعدها وهيا شرحتلي كل شي مطلوب مني
المهم انا حجرب اروح مستشفيات اليوم ان شاءالله وشركات

وشكرا حبيبتي ماقصرتي والله يوفق الجميع ويرزقك كل اللي تتمنيه

[Baro0 Felembo0]

المشاركة الأصلية كتبت بواسطة whiteswan انا مثلك والله رحت للمعهد وقالو ما في تدريب اليوم .. اظن سمعتها تقول فيه تدريب داخل الجامعة بجرب اروح ان شاء الله. الله ييسر لنا الامور ونتخرج على خيريارب.

اهاا .. انا صراحه مابغا اتدرب داخل الجامعه احس بغم استغفر الله هههههه

انا حجرب اشوف الشركات ان شاءالله

واميين يارب
وشكرا عالرد والله يوفقك دنيا واخره

[الملاك الأبيض]

مساءك سكر . شوفي عزيزتي الدكتورة سوزان متساهلة في الاماكن بس اهم شرط عندها انو يكون المكان الي بتتدربي فيه يكون اله خمس سنين في سوق العمل وانو يستخدم اللغة الانقلش.
ممكن تختاري مستشفيات او مستوصفات او معاهد او مدارس ولو حابة داخل الجامعة على طول تقبله الدكتورة . عندك في المكتبة المركزية وعندك كمان في العمادة .

بس حاولي تروحي للدكتورة سوزان على الساعة 11 وشوي ,تلاقيها رايقة في هذا الوقت بس لو جيتيها بدري تكون مشغولة ومعصبة . موفقة ياارب

[جيجي21]

طيب مش المفروض هما كمان اللي يعطونا قائمه باسامي الاماكن اللي بتقبل التدريب عندهم -- بدل الواحد مايحوس ويلف ويشوف مين يقبل ومين لا

[Baro0 Felembo0]

من جد انا مره تعبت من اللفلفه يومين وانا اخرج الفلف من الصبح للظهر حسبي الله

لكن خلاص باشرت في مدرسة الفردوس الحمدلله و باقيلي اخر يوم تدريب يوم الاحد صراحه مره انبسط واستمتعت فيها وزعلانه اني بخلص :((