اللي اختبروا...بحوث عمليات...يساعدوني بالمهم...ولهم دعوة في السجود

[منـــــــو]

السلام عليكم...
أنا بصراحة من زمان بالجامعة أحس إني معمرة بالجامعة وبجد طفشت...
أتوقع من بحوث العمليات وشاكلتها..بالضبط حذفتها أترام خمسة(كتابة)و (5)رقما..وذلك خوفا منها...
فعااااد لو سمحتوا وتكرمتوا....تعطوني وجه...لا تسفهوووووني....وساعدوني بالمهم في المادة....

يعني اللي اختبروا....يقولون من وين ذاكروا؟؟؟وش اسم الكتاب أو الملخص؟؟وش الأسئلة اللي جاتهم؟؟؟وأبغي نماذج اختبارات محلولة؟؟وش المهم؟؟؟؟

ولو سمحتوا يعني نزلوها بالموضوع هنا فيذا فيذا فيذا...ما عندي وقت أبحث...
دوامي من الصباح لحد خمسه العصر..وبعدها بيت وطبخ وبزارين....وما عندي خدامة دعواتكم ان الله يسخر لي ويرزقني من واسع فضله....
وإذا نجحت بهالمادة ....لكم من طيب الدعوات في السجدات...

وأسأل الله العظيم أن يوفق ويسعد ويرزق كل شخص رد على موضوعي....

مقدمة الطلب:أختكم أم عبدالله....

[ام خلووود]

ان شاء الله البنات يفيدونك بالتوفيق

[منصور الشمري]

الله يعينك بس انا رأفت بحالك مو علشان المادة ههههههه علشان الدوام والله متعب
وبالتوفيق يارب إن شاء الله تنجحين بدرجة طيبة :)

[om jwad]

خدي الماده مع استاده نسرين ملا انسانه رائعه في الشرح وصوري الملخص الي في موقعه الكتاب بس عشان الاسئله الي في اخر الكتاب وبالتوفيق ولاتنسني من صالح دعائكم

[حكايا روح]

أنااخذتها مع الدكتورة أسماء باهرمز من أروع المواد،، المادة سهلة جدا لكن أعطيها حقها في المذاكرة كانت الدكتورة تشرح لنا في السنترا بطريقة العصف الذهني على أساس أن عندك خلفية عن المادة لكن أعتمدت بعد الله على محاضرات الاستاذة نسرين الي سجلتها الأخت فوضى الحواس على الرابط http://www.skaau.com/vb/showthread.php?t=555222

واهتمي بالأسئلة الي تقولها في المحاضرات طبعا في الكتاب وأيضا الأسئلة في موقعها أرفقنها لك ،،، دمتِ بود

[lady11]

الله بارك فيكم بتوفيق

[abu hamad]

اختي العزيزه...الماده سهله جداً وتعتمد بالدرجه الاولى على حل تمارين باستمرار من الطالب والطالبه .. وميزة المنهج انو قصير ويمديكي تذاكري وتصيري عبقريه ..لكن انصحك ان تلتزمي بالنظره التفاؤليه وتتركي الخوف والكلام اللي تسمعيه عن الماده لان هذا الكلام سمعناه كثير قبل ما انزلها وتفاجأت بالعكس ...اتمنى لك التوفيق من كل قلبي..

[tuqa]

المادة سهلة جداً
اخذتها مع أستاذة نسرين شرحها حلو و واضح
نذاكر من الكتاب ( مقدمة في بحوث العمليات ) لأستاذة أسماء
و صوري الملخصات الموجودة في مدونة أستاذة نسرين مفيدة مرره
http://blog.kau.edu.sa/nesreenmulla/
و الأسئلة الموجودة في موقع أستاذة أسماء
http://www.kau.edu.sa/CVEn.aspx?Site_ID=0001031&Lng=AR
أهم شي في المادة انك تتدربي على المسائل

بالتوفيق إن شاء الله ^_^

[o,O]

شوفي توقيعي مكتوب فيه بحوث عمليات اضغطي عليها اذا كنتي مع نسرين ملا موجود فيه كل شي من الى

ودعواتك

[منـــــــو]

الله يجزااااااااااااااااااااااكم خير
والله يوفقكم ويسعدكم وينجحكم كلكم
ما قصرتوا الله يسعدكم دنيا و آخرة ويحقق لكم أمنياتكم عاجلا غير اجل