مين يعرف الأستاذة ( حنان جبر ) و ما رأيكم بها ؟؟

.. بيســـان .. · #1 29-03-2009, 04:44 PM

السلام عليكم يا طالبات الانجليزي ؟

طالبتكم طلبة !!

نزلت مادة الرايتنج 2 و اكتشفت انهم فاتحين فقط شعبتين للمادة

و هذا يدل على كثرة الرسوب + الظلم في الدرجات ..

،،

الشعبة الأولى مع ( مايا اليافي )

الشعبة الثانية مع ( حنان جبر )

،،

للأسف الشديد أخدت رايتنج 1 مع مايا اليافي و اتندمت أشد الندم لانها ظلمت بنات كثير

في الدرجات و خسفت فيهم خسف .. أعتبر نفسي خرجت من السرب و فلت بجلدي بدرجة معقولة

حتى في الدورة التأهيلية ما فتحت فمها و اتكلمت عن البراغراف ..

و انصدمنا انو الدرجة 80 عليه فقط ..

و كنت ارسلها عالايميل ( براغرافات ) عشان تصححلي أغلاطي ..

يشهد علية ربي اني ما استلمت منها ولا رد ..

،،

و الآن انا خايفة من حنان جبر .. تكون اخس منها !!

اللي جرب معاها .. ما رأيكم ؟

،،

في انتظاركم ..

so0os · 29-03-2009, 04:51 PM

اييوا والله وانا كمان..خايفه من الاستاذه مايا لاني حاسه انها ظلمتني جدا بدرجتي..

وانا ابغى اعرف رأيكم بالاستاذه حنان جبر من ناحية اسلوبها واسئلتها وطريقة تصحيحها ومعاملتها وكل شي!!!

وثااانكس بيسان

الإمبراطورة · 29-03-2009, 06:05 PM

أستاذة حنان جبر بتجنن,,, ربي يسعدها
أنا درستني Reading >>> وكان من أحلى الكورسات
أخلاقها زي العسل
إختباراتها حلوة
^^^^
ما أدري كيف هي في الــ Writing

بالنسبة لي لو أتيح لي آخذ معاها كل الكورسات ما أمانع
لأنها كانت طيبة جدآ

دمتم,,

الــــغــــلا · 29-03-2009, 07:48 PM

هلا بيسووو ،،،

تبغي نصيحه من اختك توكلي على الله وخذيها معاها انا اخذت معاها رايتنق 1 والحمدلله نجحت والترم هذا قررت مااخذ رايتنق 2 بس لما شفت اسم الاستاذه حنان جبر على طوول وبدون تردد نزلت الماده معاها شعبه 1 مرررررررررررره عسل وتصحح بامانه وضمير واخلاقها عاليه وراح تعرفي شخصيتها من اول محاضره وتشرح لك من قلب وتحل معاك تمارين الكتاب كلها وطيبه مرررره ومؤدبه خذيها وماراح تندمي ابداااااا ابداااا ابداااا
دعواتك لي
اختك
الــــغلا

.. بيســـان .. · 30-03-2009, 01:34 AM

الإمبراطورة

الغلا

،،

شكرا جزيلا لكم و تم إضافة المادة

توكلت على الله

&ديم& · 30-03-2009, 09:05 AM

وانا كمان Writing 2
مع حنان جبر ان شاء الله تكون كويسة
بالتوفيق للجميع

بانسيه · 30-03-2009, 06:40 PM

الله يوفقك يابيسان وجميع البنات ,

انا لماشفت شعبتين بصراحه انصدمت حرام اغلب البنات رسبوا في مادتين الا وهي الرايتنق 1 + الريدنق 1

ربي يسهلكم ,,

mesk-3 · 30-03-2009, 07:03 PM

مرحبا,,

أ.حنان ممتازة,,

تشرح تمام بامانة,,

وماتظلم في الدرجات..

توكلي على الله,,

الله ييسرلك كل خير...

HaNno · 31-03-2009, 05:28 PM

انا اخذت الرايتنج معها الله يسعدها تراها مرررررررره تراعي وصبوره مع البنات بس انتي شدي حيلك معاها تراها مره حبوبه وتقريبا اغلب البنات الي اعرفهم اخذو معاها نجحوا

Heart whispers · 01-04-2009, 12:16 AM

استاذة حنان مرررره طيبه انا اخذت معاها رايتنق ون ونجحت بدرجه حلوه مقارنة بدرجات صاحباتي اللي اخذو مع استاذات اخريات
تشرحلنا كل شي وتحاول تطمنا انو الماده سهله واللي يشد حيلو راح يتحسن كتير

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مين يعرف الأستاذة ( حنان جبر ) و ما رأيكم بها ؟؟

قسم اللغات الأوروبية و آدابها