اعلان لطلاب الطب المستجدين .. طلب الانضام الى جمعية United Hands Team

[محمد عماد]

السلام عليكم ورحمة الله وبركاته

صباح / مساء الخير على الجميع

هذا الموضوع خاص لطلاب الطب وطالبات الطب المستجدين لتعريفهم على جمعية United Hands Team
هي جمعية خيرية تطوعية اسسها طلاب سنة سادس طب ( امتياز حالياً ) وكل اعضاءها طلاب من كلية الطب .. هدفها :
١. تأهيل الاطباء وطلاب الطب للعمل التطوعي في أوقات السلم والكوارث
٢. الاستفادة من التقنية الحديثة لتسهيل وتطوير العمل التطوعي الطبي
٣. تقديم الخدمات العلاجية والوقائية التثقيفية و الإسعافية التطوعية للفرد والمجتمع
٤. دعم الأبحاث والدراسات الميدانية و الأعمال التطوعية الطبية ونشرها
وهذا موقع الجمعية للي حاب يقرأ زيادة عنها http://www.uhteam.org/

هذي الجمعية لازم يكون فيها اعضاء من كل دفعات الطب ، والتسجيل اختياري
العدد المطلوب : 15 طالب و 15 طالبة من دفعة ميد 12 ..
تسجيل الطلاب عندي .. بس الطالبات ما اعرف ولا عندي اي خلفية عنهم
الي حاب يسجل من [طلاب الطب فقط] ياليت يرسل لي اسمه ورقم جواله على الخاص .. والأولوية للي يسجل اول

ان شاء الله حيبدأ العمل يوم الاثنين القادم في المستشفى الجامعي .. وحكون معاكم عشان اعرفكم ايش الاشياء الي لازم نخلصها في الصيف ، وكلها اشغال بسيطة جدا وما تاخذ وقت ان شاء الله
حالياً ليدر الجمعية مسافر ، وكلفني بالنيابة عنه .. وان شاء الله لما يرجع بالسلامة حيعرفكم بنفسه ويجتمع معاكم في بداية السنة

* من الشروط الي طلبها مني الليدر في اختيار الطلاب انهم يكونوا محترمين .. وان شاء الله كلكم كذلك
بس زي ما انتو عارفين انو المستشفى مختلط .. واغلب الاجتماعات والعمل حيكون مع الفيميل ، فياليت تكونوا محترمين وما نبغا مشاكل !

بالتوفيق للجميع