وش المطلوب لدخول ادارة الاعمال علمي او ادبي او اداري

[باسم العنزي]

السلام عليكم

ابي اعرف عشان ادخل ادارة اعمال وش لازم ادخل علمي ولا ادبي ولا اداري

ولو كلها وش احسن شي يمشي فيها يعني بالقبول وسهولة الدراسة

[باسم العنزي]

معقولة مافيه احد يعرف؟؟؟؟؟؟؟؟؟؟؟

[شموخ كبريآئي]

وعليكم آلسلآم ورحمة آلله وبركآته ~..

إن كنت تقصد بسؤآلكـ عن آلسنة آلتحضرية :-

إدآري يدخلكـ إدآرة آعمآل ،، آمـآ آلمسآر آلعلمي مآعندي علم وآلله ..

[باسم العنزي]

مافهمتك بس قصدي لما اجي ابي احدد مسار دراستي يعني التخصص

[ابو بندر1]

وعليكم السلام ورحمة الله وبركاته

حياك اخوي باسم بنسبه لتخصص طبعا هذا شي يرجع لشخص نفسه فيه اقسام حلوه لكن شوف انت حاجتك او حاجة العمل
فيه الموارد البشريه وفيه التسويق لكن بعض الاقسام لازم يكون المعدل 3 ومافووووق ونصيحة شد على حيلك من بدري علشان المعدل يطلع كويس وفيه اعتقد موضوع يتحدث عن جميع الاقسام اكتب في البحث الخاص بالمنتدي وان شاء الله راح تحصله اتمني باني قدرة افيدك بشي

[نوـونهـ]

وعليكم السلام ورحمة الله

أخ باسم بأي صف انت بالثانوي.؟
يعني تقصد تخصص الادبي والعلمي بالمرحله الثانويه ولا الجامعه؟

مافهمت عليك

[soul angel]

انا ادبي ودخلت ادارة اعمال موارد بشريه

وبنت عمي علمي وداخله نفس تخصصي

بس ممكن النظام تغير عن اول مادري!!!

[باسم العنزي]

انا بالثانوية الحين

وابي ادخل القسم اللي يهتم بالتجارة وذي الامور اللي هو التسويق

[نوـونهـ]

اخوي باسم انا بالنسبه للجامعه انها تهتم بالمسار في الثانوي هذا الشي مالاحظته لما تخصصت.!

لأن لما اخترت تخصصي كان فيه من صديقاتي علمي ودخلو كلية الاداب وبنات العكس ادبي وانقبلو بكلية الإداره

لكن يكون تخصصك علمي حلو لأن بيساعدك في الجامعه بالمواد الحسابيه تكون متدرب عليها من قبل
والتسويق تبع الإداره ومواد الإداره فيه بعضها حسابيه كويس يكون عندك خلفيه

وبرضو أفضل أفضل تتأكد من مسؤل بالجامعه لأن ماندري عن الأنظمه اذا تغيرت أو لا

الله يوفقك وينور دربك ياررب

[باسم العنزي]

المشاركة الأصلية كتبت بواسطة نوـونهـ اخوي باسم انا بالنسبه للجامعه انها تهتم بالمسار في الثانوي هذا الشي مالاحظته لما تخصصت.! لأن لما اخترت تخصصي كان فيه من صديقاتي علمي ودخلو كلية الاداب وبنات العكس ادبي وانقبلو بكلية الإداره لكن يكون تخصصك علمي حلو لأن بيساعدك في الجامعه بالمواد الحسابيه تكون متدرب عليها من قبل والتسويق تبع الإداره ومواد الإداره فيه بعضها حسابيه كويس يكون عندك خلفيه وبرضو أفضل أفضل تتأكد من مسؤل بالجامعه لأن ماندري عن الأنظمه اذا تغيرت أو لا الله يوفقك وينور دربك ياررب

مشكوره اختي على التوضيح

جزاكي الله الف خير
وياكي ان شاء الله